Wednesday, September 28, 2011
UNHCR ထံသို့
လက်ရှိဖြစ်ပွားနေသော ပြည်တွင်းစစ် အခြေအနေများကို သိရှိနိုင်ရန်နှင့် လိုအပ်သလို အရေးယူ ဆောင်ရွက် ကူညီပေးရန် K.I.O မှ စာတစ်စောင်ကို ကုလသမဂ္ဂသို့ စက်တင်ဘာလ ၂၆ ရက်နေ့တွင် ပေးပို့ ခဲ့ကြောင်း သိရသည်။
ယင်းစာတွင် ရှမ်းပြည်နယ်၊ ပင်လုံမြို့တွင် ၁၂၊ ၂၊ ၁၉၄၇ ပင်လုံ စာချုပ် စတင်ချုပ်ဆိုခဲ့ပုံ၊ တိုင်းရင်းသား လူမျိုးစုတိုင်းသည် မိမိ နယ်မြေဒေသ အလိုက် လူမျိုးရေးဆိုင်ရာ အခွင့်အရေးများ အပြည့်အ၀ ရရှိရန်၊ နိုင်ငံရေး ဆိုင်ရာ အခွင့်အရေးများကို တန်းတူညီမျှ ရရှိကာ စစ်မှန်သည့် ဖက်ဒရယ် ပြည်ထောင်စု စနစ်ကို အတူတကွ တည်ဆောက်ကြရန် ဟူသော အချက် အလက်များပါသည့် ပင်လုံ စာချုပ်ကို မြန်မာ အစိုးရ အဆက်ဆက်မှ လိုက်နာရန် ပျက်ကွက်ခဲ့သဖြင့် ယနေ့ကဲ့သို့ နှစ်ပေါင်း (၆၀) ကျော် ကြာသည့် ပြည်တွင်းစစ် ဖြစ်နေရပုံ၊ အစိုးရက တိုင်းရင်းသား လူမျိုးစုများကို နည်းလမ်း မျိုးစုံနှင့် စနစ်တကျ ဖိနိပ်ပုံ၊ ပြည်တွင်းစစ် ပြဿနာကို နိုင်ငံရေးနှင့် ဖြေရှင်းရန် မကြိုးပမ်းပဲ စစ်ရေးဖြင့်သာ ဖြေရှင်းနေခြင်း၊ K.I.O မှ ပြည်တွင်း ငြိမ်းချမ်းရေးကို UNFC နှင့် အစိုးရ အဖွဲ့တို့ တွေ့ဆုံဆွေးနွေး ဖော်ဆောင်သွားရန် ကြိုးပမ်းချက်များကို ယင်းစာတွင် ဖော်ပြထားသည်။
မြန်မာနိုင်ငံအတွင်းမှ တိုင်းရင်းသား ပြဿနာသည် ဒေသတွင်း ဖွံ့ဖြိုး တိုးတက်မှုကို နှောင့်နှေး စေနိုင် သည်ကို အားလုံး သိပြီးဖြစ်၍ အိမ်နီးချင်း နိုင်ငံများ၊ အာဆီယံနိုင်ငံများ၊ ကုလသမဂ္ဂနှင့် နိုင်ငံတကာ အသိုင်းအ၀ိုင်းမှ ပြည်တွင်းငြိမ်းချမ်းရေး အတွက် ၀ိုင်းဝန်း ကူညီကြရန် မေတ္တာ ရပ်ခံချက်များ ပါဝင်သည်။
ကမ္ဘာ့နိုင်ငံ အသီးသီးမှ ခေါင်းဆောင်များ စုံလင်စွာ တက်ရောက်နေသည့် အချိန်ဖြစ်သဖြင့် လက်ရှိ ဖြစ်ပွားနေသည့် အခြေအနေများကို ၄င်းတို့မှ သိရှိနားလည်ကာ ၀ိုင်းဝန်း ဖြေရှင်းရန် အတွက် အကြံပေးနိုင်ရန် ဖြစ်သည်။
K.I.O အနေနှင့် ကုလသမဂ္ဂသို့ ဇွန်လ (၉) ရက်နေ့တွင် ဖြစ်ပွားသည့် တိုက်ပွဲများနှင့် ပက်သတ်ပြီး ပထမဆုံအကြိမ် စာပေးပို့ခြင်းဖြစ်သည်။
ယင်းစာ မိတ္တူကို အမေရိကန်၊ အင်္ဂလန်၊ တရုတ်၊ အန္ဒိယ၊ ထိုင်း၊ အာဆီယံ၊ ဥရောပသမဂ္ဂနှင့် အာဖရိက သမဂ္ဂသို့လည်း ပေးပို့ထားကြောင်းသိရသည်။
0 comments:
Post a Comment