စစ်အစိုးရ စစ်တပ်တို့မှ တိုက်ပွဲ ဖြစ်ပွားသည့် နေရာများတွင် လူသတ်၊ ဓါးမြတိုက်၊ ရွာမီးရှို့

Saturday, October 22 , 2011

မီးရှိ့ခံနေရသည့် နမ်ဆန်ယန်ကျေးရွာ

စစ်အစိုးရ စစ်တပ်များသည် တိုက်ပွဲဖြစ်ပွား သည့် နေရာ များမှ ကျေးရွာများတွင် ရပ်ရွာပြည်သူ လူထုကို ညှင်းပန်းနှိပ်စက်ခြင်း၊ ခြိမ်းခြောက်ခြင်း၊ ပြည်သူလူထုပိုင် ပစ္စည်းဥစ္စာများ လုယူခြင်း များကို ပြုလုပ် လျက် ရှိကြောင်း စုံစမ်းသိရှိရပါတယ်။

အောက်တိုဘာလ ၁၂ ရက်နေ့ မြစ်ကြီးနားမြို့နယ်၊ မလိဇွပ်ယန်ရွာမှ မရွယ်ဆန့်ရဲ့ ဈေးဆိုင်ရှိ ပစ္စည်းများ ကို စကခ (၃) လက်အောက်ခံ၊ ခလရ (၃၈၆) မှ အကုန်အစင်ကို ယူဆောင်သွားပြီး မရွယ်ဆန့် ထံမှ ငွေသား (၂) သိန်းကိုလည်း ဓမြတိုက် သွားကြောင်း သိရှိရပါတယ်။

အဆိုပါနေ့တွင်ပင် ယင်းရွာမှ ဦးအင်ဒေါင်နော်နှင့် ဦးဒေါင်ဂျယ်တူးတို့ကို ဖမ်းဆီးနိုပ်စက်ခဲ့ပြီး ဦးအင်ဒေါင် နော်ကို ပေါ်တာအဖြစ် ခေါ်ဆောင်သွားရာ ယနေ့ထိ အဆက်အသွယ် မရသေးကြောင်း အိမ်သူ အိမ်သားများမှ သိရှိရပါတယ်။

အောက်တိုဘာလ ၁၄ ရက်နေ့တွင် ကချင်ပြည်နယ်၊ မြစ်ကြီးနားမြို့နယ်၊ ရေကြည်ကျေးရွာမှ ဦးလွမ်းခေါင် အသက် (၅၀) နှစ်ကို ခမရ (၃၈၄) မှ ပေါ်တာ အဖြစ်လိုက်ရန် ပြောဆိုခဲ့သည်။ ဦးလွမ်းခေါင်မှ ငြင်းဆန်ခဲ့သည့်အတွက် ညင်းပန်းနိပ်စက်ရာမှ ကွယ်လွန် သွားကြောင်း စုံစမ်းသိရှိရပါတယ်။

 မီးရှို ခံရသည်. ဈေးဆိုင်

 ဦးတင်ဝင်း

အောက်တိုဘာလ ၁၈ နေ့တွင် ကချင်ပြည်နယ်၊ မိုးမောက်မြို့နယ်၊ ဒေါ့ဖုန်းယန်မြို့နယ်ခွဲ၊ နမ်ဆန်ယန် ကျေးရွာမှ ဦးတင်ဝင်းအား ကြိုးတုတ်၊ ညင်းပန်းနိုပ်စက်၊ သတ်ဖြတ်ကာ အလောင်းကို မီးရှို့ခဲ့ကြောင်း သိရှိရပါတယ်။ ဦးတင်ဝင်း မတိုင်မီက ရွာသား ဌေးမောင် ဆိုသူကိုလည်း အကြောင်းမဲ့ သတ်ဖြတ် ခဲ့သေးကြောင်း သိရှိရပါတယ်။ စစ်အစိုးရ စစ်တပ်မှ ဒီလိုမျိုး အပြစ်မဲ့ ပြည်သူများကို ညှင်းပန်း နှိပ်စက် သတ်ဖြတ် နေမှုဟာ အင်မတန်မှ ညစ်ပတ် တဲ့ လုပ်ရပ်များ ဖြစ်ပါတယ်။ စစ်သား အချင်းချင်း သာ တိုက်ခိုင် သင့်ပါတယ်။

အောက်တိုဘာ ၁၈ ရက်နေ့တွင် နမ်ဆန်ယန်ကျေးရွာ၊ ရပ်ကွက် (၃) မှာ နေထိုင်သူ  ဦးဂျန်ခမ်းနော် အသက် ၇၂ နှစ်သည် မိမိ နေအိမ်ခြံဝင်းကာ နေချိန်တွင် မြန်မာအစိုး ရစစ်တပ်မှ တပ်ကြပ်တဦး၊ တပ်သားနှစ်ဦးရောက် လာပြီး သေနတ်နှင့် ပစ်ခတ်ခဲ့သည်။ ယင်းသို့ ပစ်ခတ်မှု ကြောင့် ဦးဂျန်ခမ်းနော်၏ လက်၊ ပေါင်ခြံတို့တွင် သေနတ် ဒဏ်ရာရရှိသွားပြီး ဒဏ်ရာနှင့်လဲနေသည့် ဦးဂျန်ခမ်းနော်ကို သေပြီအထင်နှင့် ပစ်ထားခဲ့သည်။ ယင်းကဲ့သို့ ပစ်ခံရသူ ဦးဂျန်ခမ်းနော်သည် လက်ရှိတွင် လိုင်ဇာမြို့ဆေးရုံတွင် ဆေးကုသမှုခံယူနေသည်။

တိုက်ပွဲ ဖြစ်ပွားသည့် နေရာများသည် နမ်ဆန်ယန်ကျေးရွာနှင့် အတော်လှမ်းသည့် နေရာများတွင် သာဖြစ်သော်လည်း ရွာထဲရှိ နေအိမ်များကို မြန်မာအစိုးရ စစ်တပ်မှ အကြောင်းမဲ့ မီးရှို့ ဖျက်ဆီး နေကြောင်းလည်း သိရသည်။

အောက်တိုဘာလ ၁၉ နေ့တွင် ကချင်ပြည်နယ် မိုးမောက်မြို့နယ် အနီး အောက်ချိုင့်ကျေးရွာမှ ဦးတင်ထွန်း ကိုလည်း သတ်ဖြတ်လိုက်ကြောင်း သိရှိရပါတယ်။ ဦးတင်ထွန်းကို သတ်ဖြတ် လိုက်သည့်   အောက်ချိုင့် ရွာအနီးတွင် ခမရ (၆၀၁)၊ ခလရ (၅၆) တို့ နေရာယူ တပ်စွဲထားကြောင်း စုံစမ်း သိရှိရပါတယ်။

K.I.A နှင့် တိုက်ပွဲများတွင် စစ်အစိုးရ စစ်တပ်မှ လေယာဉ် အသုံးပြုလာ

Saturday, October 22, 2011

ကချင် လွတ်မြောက်ရေး တပ်မတော် K.I.A နယ်မြေဖြစ်တဲ့ ရှဒန်ပါနှင့် မဒီယာန် ဘက်များတွင် အောက်တိုဘာလ ၂၁ ရက်နေ့ ကတည်းက စစ်အစိုးရ စစ်တပ်ရဲ့ လေယာဉ် (Helicopters) များ ရောက်ရှိနေပြီ ဖြစ်ကြောင်း ၊ ဒီနေ့မှာလည်း ဗန်းမော်ဘက်တွင် စစ်အစိုးရ စစ်တပ်ရဲ့ လေယာဉ်များ မိုးပေါ်တွင် ပျံသန်း၊ လုံခြုံရေး ယူနေကြောင်း မျက်မြင်များထံမှ စုံစမ်းသိရှိရပါတယ်။

မနေ့က တရုတ် အစိုးရမှ စစ်အစိုးရ စစ်တပ်များကို တရုတ်ပြည်နယ်စပ်ဘက်သို့ ကားအစီး (၃၀) ကျော်ဖြင့် ခေါ်သွင်းသွားခဲ့ကြောင်းကို K.I.A ဌာနချုပ်မှ အတည်ပြု ပြောကြား လာပါတယ်။

စစ်အစိုးရ စစ်တပ်မှ ဒီအတော အတွင်း K.I.A ဌာနချုပ် လိုင်ဇာကို သိမ်းပိုက်ရန် စီစဉ်နေ သဖြင့် ကချင် တမျိုးသားလုံး ဆုတောင်း ကူကြဖို့ရန် အနိုးအညွတ် တောင်းဆို အပ်ပါတယ်။

အောက်တိုဘာ (၂၁) ရက်နေ့တွင် K.I.A မျိုးချစ်တပ်ဖွဲ့များနှင့် စစ်အစိုးရ စစ်တပ်တို့ အကြား ဂါးရာယန် ကျေးရွာတွင် တိုက်ပွဲဖြစ်ပွားခဲ့ကြောင်း သတင်းရရှိပါတယ်။ ဒီနေ့တွင် ဂါးရာယန်ကျေးရွာကို K.I.A မှ ၀င်ရောက်နေရာ ယူထားပြီးဖြစ်ကြောင်းလည်း သတင်းရရှိပါသည်။

စစ်အစိုးရ စစ်တပ်ဘက်မှ အကျအဆုံးများပြားနေ

Saturday, October 22, 2011

ကချင်ပြည်နယ် K.I.A အစိုးရနှင့် စစ်အစိုးရ စစ်တပ်တို့အကြား စက်တင်ဘာ (၁၃) ရက်မှ အောက်တိုဘာလ (၂၁) ရက်နေ့ ထိဖြစ်ပွားခဲ့သော စစ်ပွဲများတွင် K.I.A ဗဟိုဌာန၏ စာရင်းအရ စစ်အစိုးရ စစ်သား (၇၀၀) ကျော်ကျဆုံး သွားပြီဖြစ်ကြောင်း နှင့် စာရင်းမ၀င် ကျဆုံးသူများနှင့် ဆိုလျှင် (၁၀၀၀) ကျော် ကျဆုံးပြီဖြစ်ကြောင်း စုံစမ်းသိရှိရပါတယ်။ ဤသို့ စစ်အစိုးရ စစ်တပ်မှ စစ်သားများ အများအပြားကျဆုံး ရခြင်းမှာ စစ်အစိုးရ စစ်တပ်ဘက်မှ စစ်သားများ စစ်တိုက်ချင်စိတ် ကုန်ဆုံးသွားမှုနှင့် အသက်မပြည့်သေးသော ကလေးစစ်သား များပြားမှုတွေကြောင့်ဖြစ်ကြောင်း စုံစမ်းသိရှိရပါတယ်။

အောက်တိုဘာလ ၂၁ ရက်နေ့တွင် ကချင်ပြည်နယ် မြစ်ကြီးနား ဗန်းမော် ကားလမ်းမကြီး တွင်ရှိတဲ့ နမ်ဆန်ယာန် ကျေးရွာမှာ အခြေစိုက် နေရာယူထားတဲ့ စစ်အစိုးရ စစ်တပ်တို့ဟာ အကျအဆုံးများပြားမှုကြောင့် တပ်နောက်ဆုတ် သွားပြီ ဖြစ်ကြောင်း သိရှိရပါတယ်။ ဒီလို တပ်နောက်ဆုတ် သွားရခြင်းမှာ နောက်တန်းမှ စစ်ကူများနှင့် တင့်ကား၊ အမြောက်တပ်များ ကို သွားကြိုခြင်းသာဖြစ်တယ်လို့  K.I.A ဘက်မှ သုံးသပ် ပြောဆိုလာပါတယ်။

အောက်တိုဘာလ ၂၁ ရက်နေ့ နေ့လည် ၁၂ ဝန်းကျင်တွင် K.I.A လုံခြုံရေး တပ်ဖွဲ့နှင့် စစ်အစိုးရ စစ်တပ်တို့ အကြား ဆမားသွားတဲ့လမ်း မှာရှိတဲ့ ဂျာထ ကျေးရွာမှာ တိုက်ပွဲဖြစ်ပွားခဲ့ကြောင်း စုံစမ်းသိရှိရပါတယ်။

အောက်တိုဘာလ ၂၁ ရက်နေ့ ကချင်ပြည်နယ် ဗန်းမော် အင်မောက်အထက်ဘက် ခဝမ်ဘန်ဘက်သို့ စစ်အစိုးရ စစ်တပ်အင်အား (၆၀၀) ကျော် ရောက်ရှိနေပြီဖြစ်ကြောင်း မျက်မြင်ရွာသားများမှ စုံစမ်းသိရှိရပါတယ်။ ဗန်းမော် မြစ်ကြီးနား လမ်းမကြီး အင်မောက် ခါနန်မှာလည်း စစ်အစိုးရ စစ်တပ်အင်အား တစ်ခုရောက်ရှိနေပြီဖြစ်ပြီး၊ ညနေ ၇း၃၀ နာရီ ဝန်းကျင်တွင် စစ်အစိုးရ စစ်တပ် အမြောက်ကြီးတွေ တင်ဆောင်ထားတဲ့ ကားအစီး (၁၀) ကျော်နှင့် ခြေလျင်တပ် တစ်တပ်လည်း အင်မောက်ကျေးရွာမှ အထက်ဘက်သို့ စစ်အင်အား ဖြည့်တင်း ချီတက်သွားပြီ ဖြစ်ကြောင်း မျက်မြင် ရွာသားများမှ သိရှိရပါတယ်။

အောက်တိုဘာလ ၂၁ ရက်နေ့ မနက်ပိုင်းမှာ တရုတ်ပြည်နယ်စပ်ဖြစ်တဲ့ ရွှေလီကနေပြီး တရုတ်စစ်ကားကြီး အစီး (၃၀) ကျော်ဟာ လွယ်ဂျယ် တရုတ်နယ်စပ်ဖြစ်တဲ့ ဂျန်ခေါင်ဘက်သို့ ချီတက်သွားကြောင်း၊ ယင်းစစ်ယာဉ်တန်း ပထမ ၂ .. ၃ စီး မှာသာ တရုတ်စစ်သားများ တင်ဆောင်ပြီး နောက်ကားများတွင် စစ်အစိုးရ စစ်တပ် စစ်သားများ အပြည့်ဖြင့် ချီတက်သွားကြောင်း၊ ယင်း စစ်အစိုးရ စစ်တပ်တို့က ဂျန်မိုင်စခန်းနှင့် မောရွှေ စခန်းများကို ပြန်လည် သိမ်းပိုက်ရန် ဖြစ်နိုင်ကြောင်း နိုင်ငံရေး လေ့လာသူများမှ သုံးသပ်ပါတယ်။ ဒီလို တရုတ်အစိုးရမှ တိုင်းရင်းသားများကိုတော့ မကူညီဘဲ စစ်အစိုးရ စစ်တပ်ကို အကူအညီပေးနေခြင်းဟာ မဖြစ်သင့်ကြောင်း၊ တိုင်းရင်းသားများကို မကူညီချင်နေပါစေ စစ်အစိုးရ စစ်တပ်ကို ကူညီနေခြင်းများကို ရပ်တန့် ဖို့လိုအပ်ပါတယ်။

စစ်အစိုးရ စစ်တပ်ရဲ့ ညှင်းပန်း နှိပ်စက် သတ်ဖြတ်မှု

Friday, October 21, 2011

အောက်တိုဘာလ (၁၇) ရက်နေ့တွင် နမ့်ဆန်ယန် ကျေးရွာ၌ စစ်အစိုးရ စစ်တပ် ခမရ (၄၃၈) နှင့် ခလရ (၁၄၁) မှ စစ်သားများ ဖမ်းဆီး ပစ်ခတ်မှုကြောင့် ကျည်ဆံမှန်ပြီး ယခု လိုင်ဇာ ပြည်သူ့ဆေးရုံတွင် ဆေးကုခံနေသော ဦးဂျန်ခမ်းနော် (အသက် ၇၂)  အား တွေ့ရစဉ်။


အောက်တိုဘာ (၂၀) ရက်နေ့တွင် စစ်အစိုးရ စစ်သားများသည် နမ့်ဆန်ယန် ကျေးရွာမှ ခရစ်ယာန် ဆရာ ဦးဂမ်ထုန် အားပစ်သတ်လိုက်ကြောင်း သတင်းရရှိပါသည်။ ထို့အတူ အောက်တိုဘာ (၂၀) ရက်မှာပင် စစ်အစိုးရ စစ်သားများမှ နမ့်ဆန်ယန် ရွာသူရွာသားများဖြစ်သော မ လရှားခေါန် နှင့် သူငယ်ချင်းကို အဓမ္မ ပြုကျင့်ကာ သတ်ပစ်လိုက်ကြောင်း၊ မ လရှားခေါန် ၏ရုပ်အလောင်းကို ခုချိန်ထိမတွေ့ရသေးသော်လည်း သူမ သူငယ်ချင်း၏ ရုပ်အလောင်းကို နမ့်ဆန်ယန် မြို့လယ် ကားလမ်းမကြီးပေါ်တွင် လာရောက်ပစ်ထားကြောင်း စုံစမ်းသိရှိရပါတယ်။

 

 စစ်အစိုးရ စစ်တပ်တို့က ဖမ်းဆီး ညှင်းပန်း နှိပ်စက်ခံ ခဲ့ရတဲ့ ဓမ္မဆရာ ဦးအောင်လီ

ကချင်ပြည်နယ် တိုင်းမှူး ပြောင်း

Thursday, October 20, 2011

Kachin Independence Army

ကချင်ပြည်နယ် မြောက်ပိုင်းတိုင်းစစ်ဌာနချုပ် မြောက်ပိုင်းတိုင်းမှူး ဗိုလ်ချုပ်ဇေယျာအောင် အား အောက်တိုဘာ (၁၈) ရက်နေ့တွင် မြောက်ပိုင်းတိုင်းရာထူးမှ ဖယ်ရှားလိုက်ပြီဖြစ်ကြောင်း သတင်း ရရှိပါတယ်။ ဗိုလ်ချုပ်ဇေယျာအောင် ၏နေရာတွင် မပခ စစ်ဦးစီချုပ် G1 ဗိုလ်မှူးချုပ် ကိုကိုနိုင်အား ပြန်လည် အစားထိုး ခန့်အပ် လိုက်ြ်ပီးဖြစ်ကြောင်း သတင်းရရှီပါတယ်။ ဤသို့ တိုင်းမှူး ပြောင်းလှဲရခြင်းမှာ ကချင်ပြည်နယ်တွင်ဖြစ်ပွားနေသော K.I.A နှင့် စစ်ပွဲများတွေင် စစ်အစိုးရ စစ်တပ်မှ အကျအရှုံး များပြား လာမှုကြောင့် ဖြစ်သည်ဟု သိရှိရပါတယ်။

ကချင်ပြည်နယ် မိုးမောက်မြို့နယ် ကျောက်စခန်း တွင် K.I.A မျိုးချစ်တပ်များနှင့် စစ်အစိုးရ စစ်တပ် တို့အ်ာကြားတိုက်ပွဲ ဖြစ်ပွားရာ စစ်အစိုးရ စစ်တပ်ဘက်မှ အကျအဆုံး များပြား လာမှုကြောင့် တပ်ဆုပ်သွားပြီဖြစ်ကြောင်း သတင်းရရှိပါတယ်။ K.I.A တပ်ရင်းများမှ စစ်အစိုးရ စစ်တပ်ပိုင် လက်နက်ကြီးငယ် မြောက်များစွားကို သိမ်းဆည်းရမိကြောင်းလည်း သတင်း ရရှိပါတယ်။


အောက်တိုဘာ (၁၈) ရက်နေ့တွင် စစ်အစိုးရ စစ်တပ်မှ စစ်သားများသည် လိုင်လမ်န် လီဆူးကျေးရွာမှ လီဆူးအမျိုးသား တစ်ဦးအား လက်နှစ်ဘက် စလုံးနှင့် ခြေနှစ်ဘက် စလုံးကို အဆစ်မှ ခုတ်ဖြတ်ပေးလိုက်ပြီး ကားစင်တင်ထားကြာင်း မျက်မြင်များထံမှ စုံစမ်း သိရှိရပါတယ်။ စစ်တိုက်တဲ့အခါမှာ စစ်သားအချင်းချင်း တိုက်ခိုက်ရမယ့် အစား စစ်အစိုးရ စစ်တပ်တို့ဟာ ရွာသားများကို ညှင်းပန်း နှိပ်စက်နေမှု ဟာ မဖြစ်သင့် တဲ့ အရာဖြစ်ပါတယ်။ ဒီလိုမျိုး လုပ်ရပ်ဟာ လူသားချင်း မစာနာမှုသာမကဘဲ သေလျှင် ငရဲ ထဲမှာ ဂျိုကပ်မဲ့ လုပ်ရပ်တွေဘဲ ဖြစ်ပါတယ်။


ကချင်ပြည်နယ် ၀ိုင်းမော် လိုင်ဇာ လမ်းပိုင်းရှိ ဂါးရာယန် ကျေးရွာတွင် K.I.A မျိုးချစ်တပ်နှင့် စစ်အစိုးရ စစ်တပ်တို့ တိုက်ခိုက်ရာ အောက်တိုဘာလ (၁၈) တွင် စစ်အစိုးရ စစ်တပ်ဘက်မှ အယောက် (၂၀) ကျော် ကျဆုံးပြီး ဒဏ်ရာရသူ အများအပြားရှိကြောင်း သတင်းရရှိပါတယ်။

K.I.A တပ်ရင်း (၁၁) စစ်သင်္ဘော ပစ်

Wednesday, October 19, 2011

အောက်တိုဘာလ ၁၇ ရက်နေ့ K.I.A တပ်ရင်း (၁၁) တို့မှ စစ်အစိုးရ စစ်တပ်တို့ မလိခမြစ် မှ စစ်အင်အား (၁၀၀) ကျော်စီ တင်ဆောင်လာတဲ့ စစ်သင်္ဘော (၂) စီးကို ခြုံခို တိုက်ခိုက်ဖျက်ဆီးခဲ့ကြောင်း စုံစမ်း သိရှိရပါတယ်

မြန်မာ အစိုးရစစ်တပ် အကျအဆုံးများ

ကချင်ပြည်နယ် မိုးမောက်မြို့နယ်၊  ကျောက်စခန်း (ခ၀မ်ဘန်) အနီးတွင် အောက်တိုဘာလ ၁၇ ရက်နေ့မှ စတင်ပြီး ကေအိုင်အေ တပ်မဟာ ၃ လက်အောက်ခံ တပ်များနှင့် စစ်အစိုးရ စစ်တပ်တို့ တိုက်ပွဲ အပြင်းအထန် ဖြစ်ပွားနေကြောင်း စုံစမ်း သိရှိ ရပါတယ်။ အောက်တိုဘာလ ၁၈ ရက်နေ့ ညနေပိုင်း ၅ နာရီခွဲ ၀န်းကျင်တွင်  ထိခိုက် ကျဆုံးမှု များသဖြင့် စစ်အစိုးရ စစ်တပ်တို့က   နောက်ကြောင်း   ပြန်လှည့်သွားကြောင်း သိရှိရပါတယ်။ ယင်းတိုက်ပွဲတွင် စစ်အစိုးရ စစ်တပ်မှ ၄၀ နှင့် ၅၀ ကြား ထိခိုက်ဒဏ်ရာ ရရှိသွားကြောင်း ဒေသခံများမှ စုံစမ်းသိရှိပါတယ်။

ကျောက်စခန်း ကျေးရွာသားများအား ထိခိုက်ဒဏ်ရာရ၊ သေဆုံးသည့် စစ်အစိုးရ တပ်ဖွဲများကို သယ်ယူ စေခဲ့ကြောင်း သိရပါတယ်။ K.I.A ဘက်မှာတော့ထိခိုက် ကျဆုံးမှု မရှိကြောင်း စုံစမ်းသိရှိရပါတယ်..

K.I.A တပ်ဖွဲ့များမှ  မြန်မာအစိုးရ စစ်တပ်၏ လက်နက်ကြီးငယ်၊ ခဲယမ်းမီး ကျောက် အများအပြား သိမ်းဆည်း ရမိကြောင်း စုံစမ်းသိရှိပါတယ်။

 အောက်တိုဘာလ ၁၈ ရက်နေ့တွင် မြစ်ကြီးနား- လိုင်ဇာလမ်း၊ ၀ိုင်းမော်၊ ရွေညောင်ပင် – ဂါးရာယန် ကျေးရွာကြားတွင် တိုက်ပွဲ ဖြစ်ပွားနေသည်မှာ (၆) ရက်ကြာ ခဲ့ပြီဖြစ်ပါတယ်။ အောက်တိုဘာလ ၁၈ ရက်နေ့တွင် ဖြစ်ပွားခဲ့သည့် တိုက်ပွဲများတွင် စစ်အစိုးရ စစ်တပ်မှ အယောက် ၂၀ ကျော် ကျဆုံးပြီး ၃၀ ကျော် ထိခိုက်ဒဏ်ရာ ရရှိသွားကြောင်း သိရှိရပါတယ်။ K.I.A ဘက်မှာတော့ ထိခိုက် သေဆုံးမှု  မရှိကြောင်း သိရှိရပါတယ်။

 မြစ်ကြီးနား – လိုင်ဇာ ကားလမ်း၊ နမ်ဆန်ယန် ကျေးရွာတွင် စစ်အစိုးရ စစ်တပ် ခလရ (၁၂၁) မှကျေးရွာ ဘုန်းကြီးကျောင်းတွင် -၀င်ရောက် တပ်စွဲထားပြီး ဘုန်တော်ကြီးကျောင်း တ၀ိုက်တွင် ကတုတ်ကျင်းများ တူးထားကြောင်း သိရှိရပါတယ်။ နှစ်ခြင်း ခရစ်ယာန် ဘုရားကျောင်းဝင်း အတွင်းတွင် ခမရ (၄၃၈) မှ ၀င်ရောက်နေရာ ယူထားပြီး ပတ်ပတ်လည်တွင် ကတုတ်ကျင်းများ တူးထားကြောင်း သိရှိရပါတယ်။

စစ်အစိုးရ စစ်တပ်က ကျေးရွာရှိ နေအိမ်များကို အကြောင်းမဲ့ မီးရှို့ ဖျက်ဆီး 

စစ်အစိုးရ စစ်တပ်များသည် နမ်ဆန်ယန် ကျေးရွာအတွင်းရှိ နှစ်ခြင်း ခရစ်ယာန် ဘုရားကျောင်းများကို ဖျက်ဆီး နေပြီး  ကျေးရွာရှိ  နေအ်ိမ်များ ကိုလည်း အကြောင်းမဲ့  မီးရှို့ဖျက်ဆီး လျက်ရှိကြောင်း စုံစမ်း သိရှိရပါတယ်။

အောက်တိုဘာလ ၁၆ ရက်နေ့ ညနေပိုင်းတွင် မြောက်ပိုင်းတိုင်းစစ်ဌာနချုပ် လက်အောက်ခံ ခလရ (၁၂၁) နှင့် စကခ (၂၁) လက်အောက်ခံ ခမရ (၄၃၈) စုစုပေါင်း အင်အား ၂၀၀ ၀န်းကျင်သည် နမ်ဆန်ယန် ကျေးရွာသို့ ၀င်ရောက်ပြီး ရွာသားများကို ဖမ်းဆီးနိုပ်စက် ခြိမ်းခြောက် မေးမြန်းကာ နေအိမ် ငါးလုံးကို မီးရှိုလိုက်ခြင်းဖြစ်သည်။ စစ်အစိုးရ စစ်တပ်မှ ဖမ်းဆီးခြင်း ခံရသည့် ကတ်သလစ် ဓမ္မဆရာ ဦးအောင်လီ နှင့် အခြားသူများသည်  အောက်တိုဘာလ ၁၇ ရက်နေ့တွင် ပြန်လည် လွတ်မြောက်လာပြီး၊ ဓမ္မဆရာ ဦးအောင်လီမှာ ခမရ (၄၃၈) မှ ဒုတပ်ရင်းမှူး ဖြစ်သူ၏ နောက်ကျောမှ ကန်ကျောက်ခြင်း၊ နဖူးကို သေနတ်ဒင်နှင့် ပိတ်ရိုက်ခြင်း တို့ကို ခံထားရခြင်းကြောင့် မျက်နှာတွင် အမာရွတ်များ ထင်ကျန်နေကြောင်း တွေ့ရှိရပါတယ်။

စစ်အစိုးရစစ်တပ် ခလရ (၁၂၁) သည် အောက်တိုဘာလ ၁၇ ရက်နေ့ နံနက်ပိုင်းတွင် နမ်ဆန်ယန် ကျေးရွာတွင်းရှိ ကျေးရွာသားများ၏ နေအိမ်များကို ချိုးဖျက် ၀င်ရောက်ကာ မိမိအလိုရှိသည့် ပစ္စည်းများကို ရွေးယူပြီး နေအိမ်များကို မီးရှို့လျက်ရှိကြောင်း သိရှိရပါတယ်။ စစ်အစိုးရစစ်တပ်မှ နေအိမ်အလုံး ၂၀ ကျော်ကို မီးရှို့ ပြီးဖြစ်ကြောင်း မျက်မြင်များမှ သိရှိရပါတယ်။  နေအိမ်များကိုသာ မီးရှို့ပစ်သည်မဟုတ်ဘဲ ကတ်သလစ်  ဘုရားကျောင်း၊ နှစ်ခြင်းဘုရားကျောင်းရှိ တံခါးများ၊ ပြူတင်းပေါက်များ ကိုလည်း ဖျက်ဆီး နေကြောင်း နမ်ဆန်ယန်မှ စစ်ပြေးများက ဆိုသည်။ ကျေးရွာသားများ၏ စပါး၊ ဆန်၊ ကျွဲနွား အိမ်မွေး တိရိစ္ဆာန်များကိုလဲ စိတ်ကြိုက် ယူဆောင်နေကြကြောင်း ထွက်ပြေး လာသည့်   ကျေးရွာသားများက ပြောပြသည်။

ယင်းကဲ့သို့ စစ်အစိုးရ စစ်တပ်များ၏ စိတ်ကြိုက် ဖျက်ဆီးခြင်း ခံရသည့် နမ်ဆန်ယန် ရွာသည် မြစ်ကြီးနား – ဗန်းမော်လမ်းတွင် ရှိပြီး ခရီးသည်များ ခရီးတစ်ထောက် နားသည့်   နေရာလည်း ဖြစ်ကာ  စစ်အစိုးရ ထိန်းချုပ်မှု အောက်တွင် ရှိသည့်ကျေးရွာဖြစ်သည်။

စစ်အစိုးရ ဆက်သွယ်ရေးရုံး၊ စရဖ ရုံး၊ ရှေ့တန်းစခန်းအခြေစိုက် စခန်းဖွင့်လှစ် ထားသည့် ကျေးရွာကြီးလည်း ဖြစ်ပါတယ်။ K.I.A ဌာနချုပ်လိုင်ဇာနှင့် ၁၅ မိုင်သာဝေးသည့် နေရာတွင် ရှိသည်။

အောက်တိုဘာလ ၁၇ ရက်နေ့ ညနေပိုင်းတွင်လည်း နမ်ဆန်ယန် ကျေးရွာတ၀ိုက်တွင် တိုက်ပွဲများ ဖြစ်လျက် ရှိကြောင်း သိရှိရပါတယ်။ မြစ်ကြီးနား – လိုင်ဇာလမ်း ရွေညောင်ပင် ကျေးရွာ နှင့် ဂါးရာယန်ကျေးရွာအကြား ရှုခင်းသာ နေရာတွင် K.I.A တပ်ဖွဲ့နှင့် စစ်အစိုးရ စစ်တပ်များ တိုက်ပွဲဖြစ်ပွားနေသည်မှာ အောက်တိုဘာလ ၁၇ ရက်နေ့ထိ ဆိုလျင် ငါးရက်ကြာခဲ့ပြီ ဖြစ်ပါတယ်။

စစ်အစိုးရ စစ်တပ်များသည် စစ်ရှုံးလာလျှင် အနီးအနားရှိ ကျေးရွာများကို ညှင်းပန်း နှိပ်စက်ကာ ရွာမီးရှို့ခြင်းများကို အမြဲပြုလုပ်နေကျဖြစ်ပါတယ်။

စစ်အစိုးရအနေနှင့် စည်းကမ်းပြည့်ဝသည့် ဒီမိုကရေစီကို ဖော်ဆောင်နေသည်ဟု အကျယ်တ၀င့် ကြွေးကြော်နေသော်လည်း၊ လက်တွေ့မှာမူ လူ့အခွင့်အရေးများကို ချိုးဖောက်မူများ၊ လူသားမဆန်စွာ ပြုမှုမူများကို ယခင့် ယခင် နှစ်ပေါင်း ၅၀ ကျော်အတွင်း ပြုလုပ်နေကျအတိုင်း တွင်တွင်ကျယ်ကျယ် ပြုလုပ် နေဆဲဖြစ်ပါတယ်။

ကချင်ပြည်နယ် တိုက်ပွဲများ

Monday, October 17, 2011

K.I.A အုပ်ချုပ်နယ်မြေဖြစ်တဲ့ အောင်ဂျာကျေးရွာအနီး လိုင်လွမ် လီဆူးကျေးရွာက ကျေးရွာသူကြီး ကို စစ်အစိုးရ စစ်တပ်မှ ဖမ်းဆီးညှင်းပန်း နှိပ်စက်နေကြောင်း စုံစမ်းသိရှိရပါတယ်။

တဆက်တည်းမှာဘဲ အောက်တိုဘာလ ၁၆ ရက်နေ့ နမ်ဆန်ယာန် ကျေးရွာမှ ရွာသားတစ်ဦးကိုလည်း စစ်အစိုးရ စစ်တပ်တို့မှ ဖမ်းဆီးညှင်းပန်းနှိပ်စက်ခဲ့ကြောင်း သိရှိရပါတယ်။

အောက်တိုဘာလ ၁၆ ရက်နေ့မှာ K.I.A တပ်နှင့် စစ်အစိုးရတပ်တို့အကြား ကချင်ပြည်နယ် နမ်ဆန်ယာန် အင်ဘူကောင်(ကုန်း) မှာ ပြင်းပြင်းထန်ထန်တိုက်ပွဲ ဖြစ်ပွားခဲ့ကြောင်း၊ ယင်းတိုက်ပွဲ စတင်ချိန်တွင် မိုးရွာခဲ့၍ စစ်အစိုးရ စစ်တပ်တို့မှာ အကုန်လုံးစိုရွှဲခဲ့ရာ စစ်ဝတ်စုံကိုချွတ်ပြီး ရွာသားများရဲ့ အဝတ်အစားများကို ယူဝတ်ကာ စစ်တိုက်ခဲ့ကြောင်း၊ စစ်အစိုးရ စစ်တပ်တို့မှာ ယခုချိန်တွင် စာသင်ကျောင်းများနှင့် ခရစ်ယာန် ဘုရားကျောင်းများတွင် နေရာယူ စခန်းချထားကြောင်း သိရှိရပါတယ်။ 

အောက်တိုဘာလ ၁၆ ရက်နေ့မှာ စစ်အစိုးရ စစ်တပ်တို့မှ K.I.A ဌာနချုပ် လိုင်ဇာကို သိမ်းပိုက်ရန်အတွက် ဆိုပြီး မြစ်ကြီးနားမြို့မှ စစ်အင်အားများကို တိုးချဲ့ စစ်ကြောင်းချီတက်လာကြောင်း မျက်မြင်များထံမှ စုံစမ်း သိရှိရပါတယ်။

 အောက်တိုဘာလ ၁၆ ရက်နေ့မှာ K.I.A တပ်ရင်းနှင့် ပြည်သူ့စစ် (MHH) တို့ပူးပေါင်းပြီး ဘန်ဒေါင်မှာ စစ်အစိုးရ စစ်တပ်တို့နှင့် တိုက်ပွဲဖြစ်ပွားခဲ့ရာ စစ်အစိုးရ စစ်တပ်ဘက်မှ (၈၉) ဦး ကျဆုံးခဲ့ကြောင်း K.I.A ရှေ့တန်း သတင်းများ အရ သိရှိရပါတယ်။

 ကချင် လွတ်မြောက်ရေး တပ်မတော် K.I.A အုပ်ချုပ်နယ်မြေဖြစ်တဲ့ အောင်ဂျာ ကျေးရွာမှာ အောက်တိုဘာလ (၁၅) ရက်နေ့က K.I.A တပ်ရင်း (၁၈) နှင့် စစ်အစိုးရ စစ်တပ်တို့ အကြား တိုက်ပွဲဖြစ်ပွားခဲ့ရာ စစ်အစိုးရ စစ်တပ်ဘက်မှ (၂၀၀) ကျဆုံးခဲ့ကြောင်း စုံစမ်းသိရှိရပါတယ်။ ကျဆုံး သွားသော စစ်အစိုးရ စစ်သားများတွင် အသက်ငယ်သော စစ်သားများ ပိုမိုများပြားကြောင်း၊ သမ္မတ ဦးသိန်းစိန်နှင့် တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်တို့က ဘာမှ မသိသေးတဲ့ ကလေး စစ်သားများကို အသုံးပြုပြီး K.I.A ကို ထိုးစစ်ဆင်နေကြောင်း ဒီလုပ်ရပ်တွေဟာ လူ့အခွင့်အရေးများကို ချိုးဖောက်နေကြောင်း မြင်တွေ့နေရပါတယ်။

ကချင်လွတ်မြောက်ရေး တပ်မတော် K.I.A အမှတ်စဉ် (၄) ဗိုလ်လောင်း ကျောင်းဆင်း ဒုဗိုလ်ကြီး ဆိုင်းဒူအောင်နှင့် စစ်သည်တော် (၂) ဦးတို့ဟာ အောက်တိုဘာလ ၁၄ ရက်မှာ ကျဆုံးသွားခဲ့ပြီ ဖြစ်ကြောင်း စုံစမ်းသိရှိရပါတယ်။ ကျဆုံးသွားသော K.I.A မျိုးချစ် စစ်သည်တော်များအတွက် သတိရ ဆုတောင်းပေးကြ ရန်အတွက် ကချင် တမျိုးသားလုံးမှာ တာဝန်ရှိနေပါတယ်။

ကချင် လွတ်မြောက်ရေး တပ်မတော် K.I.A ဖားကန့် အခြေစိုက် တပ်ရင်း (၆) တပ်ရင်းမှူး နေရာတွင် ဒုဗိုလ်မှူးကြီး ဇော်ဒွဲအား K.I.O/K.I.A ဌာနချုပ်မှ တာဝန်ပေး လွှဲပြောင်းခဲ့ပြီ ဖြစ်ကြောင်း သိရှိရပါတယ်။

ယခုချိန်တွင် K.I.A နှင့် စစ်အစိုးရ စစ်တပ်တို့ အကြား နေရာ အနံ့များတွင် တိုက်ပွဲများ ပြင်းထန်လျက် ရှိနေပါတယ်။

K.I.A နှင့် စစ်အစိုးရ တိုက်ပွဲများ

Sunday, October 16, 2011

ကချင်လွတ်မြောက်ရေး တပ်မတော် K.I.A တပ်မဟာ (၃) လက်အောက်ခံ တပ်ရင်း (၁) တို့မှ အောက်တိုဘာလ ၁၅ ရက် လွယ်ဂျယ် ကျေးရွာနှင့် အင်ဘာပါကျေးရွာ ကြားမှာ အခြေစိုက် စခန်းချထားတဲ့ စစ်အစိုးရ စစ်တပ် ခမရ (၃၂၁) ရှေ့တန်း စခန်းဖြစ်တဲ့ မောရွှေ စစ်စခန်းကို K.I.A တပ်ရင်းတို့မှ သိမ်းပိုက်လိုက်ပြီဖြစ်ကြောင်း စုံစမ်းသိရှိရပါတယ်။

K.I.A တပ်ရင်း တို့မှ စစ်အစိုးရ စခန်းဖြစ်တဲ့ဂျန်မိုင် စခန်းကိုသိမ်းပိုက်လိုက်တဲ့ အတွက် စစ်အစိုးရ စစ်တပ်တို့မှ ဒေါသထွက်ပေါက်ကွဲကာ ယခုချန်တွင် အင်မောက်-လွယ်ဂျေသွားရာလမ်း တောင်ခြေရှိ ကျောက်စခန်းကျေးရွမှာ စစ်အင်အား အမြောက်အများ တိုးချဲ့ထားပြီဖြစ်ကြောင်းစုံစမ်း သိရှိရပါတယ်။

K.I.A တပ်ရင်း (၁၁) တို့နှင့် စစ်အစိုးရ စစ်တပ်တို့အကြား အောက်တိုဘာလ ၁၄ ရက်နေ့မှာ ဖရောကျေးရွာတွင် တိုက်ပွဲဖြစ်ပွားခဲ့ကြောင်း၊ ယင်းတိုက်ပွဲတွင် စစ်အစိုးရ စစ်တပ်မှ (၁၀) ဦး ကျဆုံးသွားကြောင်း၊ K.I.A ဘက်မှ ထိခိုက်ကျဆုံးမှု မရှိကြောင်း K.I.A ရှေ့တန်းသတင်းများ အရ သိရှိရပါတယ်။

စစ်အစိုးရ စစ်တပ်မှ K.I.A စစ်ဌာနချုပ်လိုင်ဇာကို သိမ်းပိုက်ရန်အတွက် ယခုချိန်တွင် နမ်ဆန်ချောင်းကို ဖြတ်ကျော်ပြီး စစ်အင်အားများ တိုးချဲ့လာပြီဖြစ်ကြောင်း၊ K.I.A/K.I.O ဘက်မှလည်း ရှေ့တန်း နယ်မြေများသို့ စစ်အင်အား တိုးချဲ့ ဖြန့်ချိထားပြီဖြစ်ကြောင်း၊ မကြာခင်မှ နမ်ဆန်ချောင်း တလျှောက်တွင် တိုက်ပွဲကြီးများ ဖြစ်ပွားလာမည်ဖြစ်ကြောင်း စုံစမ်းသိရှိရပါတယ်။

အောက်တိုဘာလ ၁၅ ရက်နေ့တွင် စစ်အစိုးရ စစ်တပ်မှ နမ်ဆန်ယာန်ကျေးရွာ အတွင်းသို့ လက်နက်ကြီးဖြင့် (၃) ကြိမ်ဆက်တိုက် ပစ်ခတ်ခဲ့ကြောင်း ရွာသားများမှ စုံစမ်းသိရှိရပါတယ်။

K.I.A တပ်မဟာ (၄) လက်အောက်ခံ တပ်ရင်း (၂) နယ်မြေဖြစ်တဲ့ ဘလောင်ကျေးရွာမှာ အောက်တိုဘာလ ၁၄ ရက်နေ့ တွင်တိုက်ပွဲဖြစ်ပွားခဲ့ရာ စစ်အစိုးရ စစ်တပ်မှ (၃၀) ကျဆုံးသွားကြောင်း စုံစမ်းသိရှိရပါတယ်။ တဆက်တည်းမှာဘဲ လွယ်လဲန်ဘက်မှာလည်း တိုက်ပွဲပြင်းထန်စွာဖြစ်ပွားခဲ့ သေးကြောင်း စုံစမ်း သိရှိ ရပါတယ်။