Saturday, January 07, 2012

Mungdan Masum Hta Nga ai Wunpawng sha ni (Mawa Mung, Myen Mung, Gala Mung)

Saturday, January 7, 2012

W.P Moses

Asak hkrung ai Karai Kasang a chye ju hpe shawng nnan shakawn nngai.


Wunpawng myu sha ni a labau hpe mat mat nmai ai, hka bra nmai ai , labau run pusin dun nga ai Nu Wa hpu nau yawng hte e… ngwi pyaw hkam kaja nga myit ni..?

Wunpawng sha ni a labau hpe nhtang sum ru yu… htaw aw..htaw Majoi shingra bum kaw na , mayu, da ma, kahpu kanau di kru langai sha zawn nga pra hkrat wa ai, chyu rum ai annau ni nan rai. Ya dai ni gaw Wunpawng sha ni nga ai ginra wa, htaw…aw.. htaw Miwa mung a sinpraw maga de, Myen Mungdan a ding dung maga de, Gala mung a sin na maga de nga nga ai. Miwa Mung, Myen Mung , Gala Mung , Mungdan masum hta nga nga ai, Wunpawng sha ni yawng myit hkrum ga lu i… chyu rum ai annau ni nan rai.

Ya aten hta e… wunpawng sha ni yawng myit hkrum kahkyin gumdin na matu manu mana nan grai ahkyak ai aten du sai hpe mu lu ai. Shara shagu hta du nga ai Wunpawng sha ni yawng myit mang langai hte sha myit hkrum mang rum na aten rai sai. Wunpawng sha ni e… ya aten hta e nang shoi nang sha nnga ai sha myit rum mang rum let Karai Kasang ra sharawng ai hkrun lam de rawt sa wa ga. 




0 comments: