" ကျွန်မတို့ နိုင်ငံမှာ အခု အားလုံးအတွက် စိတ်ပူစရာ စိတ်မအေးစရာ ဖြစ်နေတာက ပြည်တွင်း ငြိမ်းချမ်းရေး ကိစ္စပါပဲ။ အထူးသဖြင့် ကချင်ပြည်နယ်မှာ ဆိုလို့ရှိရင် တိုက်ခိုက်မှုတွေ ဖြစ်နေတာဟာ ကျွန်မတို့ နိုင်ငံအတွက် အင်မတန်မှ စိုးရိမ်ဖွယ်ရာ ဝမ်းနည်းစရာ ကိစ္စ ဖြစ်ပါတယ် "
(၁/၂၀၁၁) တွင် ပြည်တွင်းပြည်ပ မီဒီယာများ၏ မေးမြန်းမှုကို ဖြေကြားနေသည့် အဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်ကို တနင်္လာနေ့ နိုဝင်ဘာလ ၁၄ ရက် ၂၀၁၁ ခုနှစ် မွန်းလွဲပိုင်းက တွေ့မြင်ရစဉ်။ (ဓါတ်ပုံ- wunpawng news )
နောက် တစ်ခုကတော့ ကျွန်မတို့ အားလုံးအတွက် စိတ်ပူစရာ၊ စိတ်ဆင်းရဲ စရာဖြစ်နေ တာကတော့ ပြည်တွင်း ငြိမ်းချမ်းရေး ကိစ္စပါဘဲ။ ကချင်ပြည်နယ်မှာ တိုက်ခိုက်မှုတွေဖြစ်နေတာဟာ ကျွန်မတို့တွေ နိုင်ငံအတွက် အင်မတန်မှ စိုးရိမ်စရာဖြစ်ပါတယ်။ ဇူလိုင်လတုန်းကဆိုရင် သမတကြီး ဦးသိန်းစိန်နဲ့ တိုင်းရင်းသားအဖွဲ့အစည်းအချို့ကို အိတ်ဖွင့်ပေးစာ ပို့ပြီးတော့ တစ်နိုင်ငံလုံး အပြစ်အခတ်ရပ်ဆဲရေးလုပ်ဖို့ အေးအေးဆေးဆေးနဲ့ ပြသနာတွေ ဖြေရှင်းဖို့ တိုက်တွန်းခဲ့တယ်။
ကျွန်မအနေနဲ့ ဘယ်နေရာကဖြစ်ဖြစ် ကူညီနိုင်တယ်ဆိုရင် ကူညီချင်တယ်ဆိုတာလည်း ပြောခဲ့ပါတယ်။ အခုလည်း ဒီအတိုင်းပါပဲ ကျွန်မတစ်ယောက်တည်း နဲ့ သော်လည်းကောင်း၊ အန်အယ်လ်ဒီနဲ့ သ်ာလည်းကောင်း၊ ပြည်တွင်းငြိမ်းချမ်းရေးနဲ့ ပတ်သက်လို့ ကူညီနိုင်မယ်ဆိုရင် ၀င်ရောက်ပါဝင်ကူညီဖို့ အဆင်သင့်ဖြစ်ပါတယ်။
ကျွန်မတို့ နိုင်ငံမှာ အခုနှစ်အတွင်း အဖြစ်အပျက်တွေကို အခြေခံပြီး အင်မတန်မှ အရေးကြီးတဲ့ ကိစတစ်ခုလို့ မြင်တာကတော့ ဥပဒေစိုးမိုးရေးပဲ ဖြစ်ပါတယ်''
ဇော်ရှန် (wunpawng )
0 comments:
Post a Comment