Hkungga let, KIO/KIA ningbaw ningla ni hte myu tsaw share shagan ... wunpawng myu sha kaji kaba ni hpang de ngai W.P shayi langai hku na n'gun jaw mayu ai.Ra rawng ai ni nga yang mung sharai la ya myit..
1. Anhte Wunpawng Mungdan gaw Karai Kasang jaw da sai lamu ga hpe madu ai ni re, dai manu dan ai sut n'hprang ni hte shaman chyeju lu ai amyu ni re, lungseng hpe bunghkum hkum n'na, ja panep nep na nga taw nga ai myu ni re.. dai n'hprang rai ni hte, mungkan hta lu su manu dan ai shara hpe lu da ai hpe n'malap ga. $ dollars hta grau ai sutgan hpe lu da ai re. Anhte W.P myusha ni gaw lu su nga mu nga mai ai myu re, awm dawm ahkang lu hkra yawng myit naw shaja ga yaw..
2. Daini anhte hpe woi awn nga ai, KIA/KIO ningbaw ningla ni gaw Karai jaw da ai mungkan hpaji machye machyang, mahkrum madup ni hte anhte W.P myu sha ni hpe shanglawt lu hkra dai ni du hkra, kaning rai tsin yam hkrum, yak hkak lai wa ai rai tim myitdaw myithten ai lam n'nga ai sha daini du hkra woi awn taw ai ni re.. dai majaw anhte W.P mungdan lu wa yang grau na gara hku woi awn sa wa na gaw Karai jaw da ai atsam nga chyalu re.. dai hta n'ga daini anhte W.P myu sha ni kaw ta tut tinang chye da sai mungkan hpaji atsam ni hte tinang nga ai shara hta man ang ai bungli hpe galaw let asak hkrung nga ai ni re majaw, W.P mungdan lu wa yang mung matut na man ang ai shara kaw tinang hpaji hte shang lawm na ni grai nga ai hpe mung n'malap ga yaw..dai majaw W.P mungdan lu wa yang sut masa, mung masa, up hkang masa lam amyu myu hpe "develop" byin wa hkra lu galaw ai.
3. 2nd world war, shaloi myen mung shanglawt lu na matu "101" hta magrau grang ai hku na shakut wa sai anhte kaji ni a labau hpe yu nna mung, anhte Wunpawng myu sha ni gaw Karai Kasang jaw da ai atsam hte hpyen hpaji magam hta mung magrau grang hpaji rawng ai ni re majaw hpa n'tsang ra ai. Mungkan labau hta hpyen hpaji hte magrau grang ai hku na labau shang lai wa sai W.P myu ni re. Dai re majaw daini na KIA/KIO ningbaw ningla ni hte share shagan ni gaw hpyen hpaji hta magrau grang ai ni re, hpa n'tsang ra ai.
4.Anhte W.P myusha ni gaw Karai Kasang hpe lu la ai hte kam sham ai ni re, Karai Kasang gaw shi hpe tsaw ra ai ni hpe grau na tsawra ai hte shaman chyeju jaw makawp maga ai re,Karai hpe kam ai myit hte sha lam shagu hta galaw hkawm sa yang hpa n'tsang ra ai, awng dang ai lam gaw Karai jaw da sai re. David ( dawi ) gaw goliyet hpe lungding kaji hte sha hpyen hpe dang kau ai hpe mung n'malap ga yaw..Karai Kasang gaw anhte hte rau re..
5.Maigan hkan du hkawm nga ai, W.P myu sha ni yawng mung tinang a labau hte tinang gara kaw na sa wa ai, hpa galaw ra na hpe myitdum nga ai ni hkrai rai na re.. aten ahkying masa lam hta hkan na n'gun, mungkan hpaji, atsam, ja gumhpraw ni hpe tinang dang di ai kaw na shang lawm na matu jin jin rai nga na re.. du ai shara kaw na "SAI" ga shaga ai ni re yaw...
Karai hpe sha manoi nga ga, Anhte Wunpawng Myusha ni yawng hpe Karai bau sin nga ai re...
0 comments:
Post a Comment