SIMSA KASA JOURNAL Vol-5, Issue - 1

25 June, 2012 (Mon)

W.P Moses

10 What..?

11 June, 2012 (Mon)
W.P Moses

10 What..?

What is Freedom..?

What is Human Rights..?

What is Children Rights..?

What is Woman Rights..?

What is Opportunity..?

What is Justice..?

What is Politics..?

What is Authority..?

What is Love and Kindness..?

What is Peace..?

9th June

9 June, 2012 (Sat)

W.P Moses

 

9th June

June shata praw 9, 2011 ning,

Malap n-mai ai n-htoi ning chying;

2012 ning June 9 hta,

K.I.A hte tai hpyen Myen majan byin ai laning mi ladu hkrum sa;

Agyi Chang Ying hpe myit dum,

Wunpawng sha ni yawng myit hkrum;

Hpan Wa Ning Sang a chye ju,

Wunpawng sha ni kaw du;

K.I.A hte tai hpyen Myen a majan kata,

Matsan tsin yam hkrum nga Wunpawng sha;

Shara magup du Wunpawng sha ni,

Malap n-mai n-dai lam ni;

Tai hpyen wa gasat ai hkrang ladat,

Wunpawng sha ni rau ning hkap let gawt;

Kanu Wunpawng Mungdan hten za n-mai,

Makawp maga sharawt na Kachin yawng a lit rai;

Karai shaprat ai Wunpawng sha,

Second Israel ngu shaga ma;

Magrau grang ai myu tsaw share shagan ma hkra wa,

Shawng lam majan pa hta yawng shang lawm sa;

N-gun da ting let myit nden shaja ga,

N-tsan la sai aten hta awng dang na;

Yehowa anhte a awng padang,

Anhte a kraw hta matsing bang;

K.I.A hte Wunpawng sha ni gaw yawng langai sha,

Ngai Uma shagawng Brang Len wa n-dai ga shagawp hte rau sum hting dat nngai...

Mungkan Brang Len

9th June, 2012 (Sat)

5:30:25 Am

K.B.C Ramma Dap Kawn Woi Awn Let Akyu Hpyi Hpawng Mahkyen

7 June, 2012 (Thu)

W.P Moses

 Kachin Baptist Convention (K.B.C) Myitkyina

Peace Be With You...

26 May, 2012 (Saturday)

W.P Moses

Wunpawng mung dan shang lawt asuya K.I.O/K.I.A hte myen asu ya ni lai mat wa sai shaning (2011) ning June shata praw (9) ya kaw nna ding hku majan byin wa ai a marang e.. Mung masha ni hpyen asuya ni a roi rip hkrum, zing ri zing rat hkrum, hkrit hpa kajawng hpa lam ni law law wa hkrum sha nga ma sai.

 Kachin IDPs

Anhte Wunpawng sha ni a shawng lam a matu, ning baw ningla ni tai wa na Ma kaji ni mung jam jau jam hkaw hkrum ai sha n-ga, myit kraw salum kata hta malap nlu ai lam ni law law wa hkrum sha nga ma sai le.. Ya aten hta jawng lung let madang dep ai mung kan hpa ji hte teng man ai lam ni hpe sharin hka ja na aten du wa nga sai..

Anhte Wunpawng sha ni a sai daw sai chyen myu sha ni yawng tsin yam tsin dam hkrum sha nga ma sai. Mara kata let myit hpraw san seng ai Ma kaji ni law law wa mung majan a npu hta e hkrit hpa kajawng hpa ni hte rau asak hkrung nga ra ma ai.

Mara kata let myit hpraw san seng dik ai Ma kaji ni wa teng man ai simsa lam hpe ra sharawng nga ma sai... shan hte (Ma kaji ni) a kraw salum kata hta gaw Peace Be With You..!!! nga nna rawng taw nga ma sai. Ndai Peace Be With You.. byin tai wa na matu gaw kadai ni a lit rai kun...? An hte Wunpawng sha ni yawng myit yu let, nang shoi nang sha nnga Madu langai hta teng man ai myit hkrum lam hpe gaw de let shangang shakang sa wa yang gaw Mungkan hta kajai gum hkawng ai amyu, Madu ra sharawng ai Mungdan tai wa na gaw teng man ai lam rai nga sai hpe myit dum let Asak hkrung ai Madu Karai Kasang hte rau rawt sa wa ga...

Mungkan Brang Len

UN Amu madu Mr. Bankimun Myen mung du

30 April, 2012 (Monday)

W.P Moses

UN Amu madu Mr.Bankimun gaw myen mung de sa du gawan gatsan nga ai lam chye lu ai.

 Dai hpawt daw hkying 9 ram hta President Thein Sein hte UN amu madu Mr.Bankimun gaw Hkring mang daju President nta kata hta hkrum zup lai wa sai lam shi ga na chye lu ai.Thein Sein hku nna Mr.Bankimun hpe atsawm sha hkap hkalum la ai lam chye lu ai.

UN amu madu Mr.Bankimun hte Tu Ra Shwe Man hkrum zup ai lam galaw ma ai.UN amu madu Mr.Bankimun hku nna myen mung hte sa ai lam hta ya hkyak hkyak byin nga ai K.I.A hte myen asu ya a majan lam hte seng nna President Thein Sein hte tsun jahta na lam nga nnga gaw naw lat yu ra nga ai.

A Time for Everything

 29 April, 2012 (Sunday)

W.P Moses

There is a time for everything, and a season for every activity under heaven:

a time to be born and a time to die,

a time to plant and a time to uproot,

a time to kill and a time to heal,

a time to tear down and a time to build,

a time to weep and a time to laugh,

a time to mourn and a time to dance,
  
a time to scatter stones and a time to gather them,

a time to embrace and a time to refrain,

a time to search and a time to give up,

a time to keep and a time to throw away,

a time to tear and a time to mend,

a time to be silent and a time to speak,

a time to love and a time to hate,

a time for war and a time for peace.

Malaysia Mung Dan kata hta Mung masha ni atsam madun

28 April, 2012 (Saturday)

W.P Moses

 Atsam madun nga ai Malay Mungdan masha ni..

Malaysia Mungdan Kualalumpul  hta e Malaysia Mung Dan masha ni hku nna Malay ning baw hkring mang daju (Wun Gyi Chuk) hpe Gumhpraw lam hta mayun gum hpraw ni sha ai, Mung masha ni a gum hpraw hpe ting gyeng lam hta jai lang ai nga nna atsam madun ai lam hpe galaw hpang nga ai lam na chye lu ai. Atsam madun ai mung masha ni hpe Balik ni hte hpyen hpung (Army) ni pawng nna hka hte mung wan hkut bawm hte mung masha u-hpung shabra ai ladat hpe galaw nga ai lam na chye lu ai.

 Palawng Ahtoi hpun nna atsam madun nga ma ai...

Ya na zawn Malaysia mung dan kata hta mung dan masha ni hku nna atsam madun ai lam galaw nga ai a marang e kaga mung dan kaw na tara nshang bungli sa galaw sha nga ai ni a shim lam matu mung kachyi tsang ra ai lam na chye lu ai. Myen mung masha ni mung ndai Malaysia mung dan kata hta e tara nshang kan bau magam bungli ni hpe galaw sha nga ai grai law ai lam hpa lat mat mung nlu ai myen mung masha langai mi ndai hku tsun dan wa ai " anhte ndai kaw nga ai myen mung masha nkau mi gaw hpa lat mat ma nnga ai majaw ya na zawn mung dan masha ni gasu kabrawng rai wa jang loi gaw tsang ra ai.. shing gan de hkawm sa ai shaloi Balik ni hpyen la ni hte hkrum sai kaw na kaw rim hkrum mat na sha re.. rim mat nna ahkyuk, htawng de bang ma ai... ndai kaw galaw sha ai ma kalang lang gaw grai jam jau ai.. jam jau ai ngu na hta myit masin ni kaji wa ai.. galoi ma hkrit ai myit rawng taw  nga ra ai.. shing gan le tim galoi wa balik ni sa san dat dat ngu ai myit gaw galoi ma rawng taw nga ai" nga nna tsun dan wa ai.

Pang Wa maga de myen hpyen n-gun jat ding yang

 28 April, 2012 (Saturday)

W.P Moses

 Min Aung Hlaing

Wunpawng Buga Sadung Pang Wa maga de myen tai hpyen ni gaw ya aten hta Kampaiti Maw daw lam kaba hku nna hpyen n-gun jat nga ai lam shi ga na chye lu ai.27 April, 2012 ya shani kaw nna Sadung Pang Wa maga de Wunpawng Mungdan Shang lawt asuya K.I.A hte myen tai hpyen ni majan byin hpang wa sai re.Ya aten hta Pang Wa makau grup yin na mare masha ni mung majan hte tsan ai nam shalawng hkan hte Miwa hkran maga de hprawng yen nga ma ai lam Buga masha ni kawn chye lu ai.

Pang Wa maga majan hpang sai

 27April, 2012 (Friday)

W.P Moses

 

Myen tai hpyen ni..

27 April, 2012 Wunpawng buga Sadung - Lahpai lahta Pang Wa makau hta Wunpawng Mungdan Shang Lawt hpung K.I.A hte myen tai hpyen ni gap gasat nga sai lam shi ga na chye lu ai. Wunpawng Buga Pang Wa gaw NDAK ni a up hkang ginra rai nga ai. Pang Wa makau na mare masha ni gaw majan byin wa ai majaw Miwa hkran maga de hprawng yen nga ai lam shi ga matut chye lu ai.

Ya aten hta myen tai hpyen ni gaw Wunpawng Buga shara shagu hta majan a matu hpyen n-gun ni hpe jat jahpring nga ai lam hpe chye lu ai.

 Dum nta hpe marit nga ai hpyen yen tsin yam ma kasha ni...

Wunpawng Buga shara shagu hta K.I.A hte myen tai hpyen ni majan grau sawng wa ai majaw Mung masha ni jam jau nga ai zawn hpyen yen tsin yam ni mung lani hte lani grau grau law htam wa ai lam hpe mu chye lu ga ai.

Sadung Sa Lam mahkrai Shing dang kau

April 27, 2012 

 W.P Moses

Wunpawng Mung Waimaw-Kanpaiti sa lam hka rum lahta na Sadung Mahkrai hpe April (26) ya shana myen asu ya hpyen hpung ni n-gun jat bang wa ai hpe hkap shing dang ai hku nna Maw daw kaba ni nlu lai hkra gan jahten da  sai lam shiga na chye lu ai.Ya aten hta myen hpyen asu ya gaw K.I.O/A gin jaw Lai Za makau hte Waimaw Sadung lam ding yang hpyen n-gun jat nna majan kaba hpe bai hpang wa sai lam chye lu ai.Wunpawng mungdan shang lawt asuya hku na mung ra ai lam ni hpe shajin nga sai lam chye lu ai. 

 

 Myen hpyen la ni 

Myen hpyen asu ya hpyen hpung ni gaw majan byin ai shara hkan na mare ni hpe wan nat jahten nga ai zawn mare kata hkan e mung lak nak kaba ni hte gap nga ai lam bu ga masha ni kawn tsun wa ai.