2011 ning September 7 ya shana maga hkying 1:00 Pm aten hta K.I.O Ginjaw Hkamja Dap hte Miwa Asuya Yinjang C.D.C Hkamja Dap ni jawmpawng nna, Laiza Muklum kata laika sharin jawng ni kaw Sara/Saranum ni hte Jawngma ni hpe Tukkwi the Hkali ana sai jep tsi gawn lajang ya ai lam galaw ai hpe chye lu ai.
Ya na zawn Asuya lahkawng maga kaw nna jawm shamu shamawt sa wa ai lam a yaw shada lam gaw, “Hkali ana hpe makawp maga shamyit ai lam hpe madung tawn nna, dai kata hta kaga sai hkaw ana, tukkwi ana, u tukkwi ana hte kaga kap bra ana ni hpe mung makawp maga shamyit sa wa ai re lam” hpe Ginjaw Hkamja Dap na si du langai kawn chye lu ai.
Lai wa sai 2006 ning kaw nna Wunpawng Mungdan Shanglawt Asuya K.I.O Ginjaw Hkamja Dap hte Miwa Asuya Yinjang C.D.C Hkamja dap ni jarit mayan hkan Hkali hpe makawp maga let jawm gasat shamit sa wa ai lam hta mahtai kaja lu la ai majaw ya na zawn Asuyu lahkawng maga ta gindun let shamu shamawt galaw sa wa ai re lam chye lu ai.
Matut nna, Hpyen-yen Dabang ni de mung sai jep, tsi gawn lajang ai lam ni matut galaw sawa na re lam hpe chye lu ga ai.
0 comments:
Post a Comment