Saturday, December 17, 2011
ဆောင်းပါးရှင် - ဒုအရာခံဗိုလ် ရန်နောင် (အပိုင်း (၁) ကို
ဒီနေရာ တွင်နှိပ်၍ ပြန်လည်လေ့လာ ဖတ်ရှုနိုင်ပါသည်...)
ဆန္ဒဖော်ထုတ်ပွဲ အမည်ခံစေကာမူ လွတ်လပ်စွာ ပြောဆိုခွင့် မည်သည့်တပ်မှ
မရပါ။ လစာ/ စရိတ်များအနက်မှ အကြောင်း အမျိုးမျိုးဖြင့် ဖြတ်တောက် ခံနေရခြင်း၊ မတရား ချုပ်နှောင် ခံရခြင်း၊ ကျောသား ရင်သား ခွဲခြား နှိပ်ကွပ် ခံရခြင်း၊ ကွပ်ကဲသူတို့အလိုကျ တရားစီရင် ပြစ်ဒဏ် ကျခံနေရခြင်းများသည် လေတပ်စခန်းတိုင်းတွင် ရှိခဲ့ပါသည်။ ရှိနေဆဲလည်းဖြစ်ပါသည်။
လွှတ်တော်မှ တပ်မတော် အရာရှိ စစ်ဗိုလ်များ
"ဖွတ်မိကျောင်းဖြစ် မြစ်မချမ်းသာ" ဆောင်းပါးတွင် ပါရှိခဲ့သော လေတပ် စခန်းတွင်ဆိုလျှင် ခိုးမှု များစွာ ဖြစ်ပွါးခဲ့ပြီး၊ အ၀င်အထွက်ကောင်းသော စစ်သည်များမှာ ခွင့်မဲ့ ပျက်ကွက်မှုရော ခိုးမှုပါ ကျူးလွန်ပါလျက် မည်သို့မှ အရေးယူ မခံရဘဲ ၀န်ခံ ကတိ ရေးသားယုံမျှနှင့် အပြစ် လွတ်သွားသော်လည်း၊ အလားတူ ပြစ်မှု ကျူးလွန်သော အခြား စစ်သည်များမှာ နယ်ထောင် ၂ နှစ် ကျသွား ခဲ့ရပါသည်။
ထိုဖြစ်စဉ်မှာ တစ်ပတ်သာခြားပြီး ဖြစ်ခဲ့သည်တိုင် တင်ပြပါအတိုင်း မညီမမျှ ဖြစ်ခဲ့ရသည်မှာ ထင်ရှားသော ဥပမာ ဖြစ်ပါသည်။ အခြားသော လေတပ် စခန်းတွင်မူ ၃ လခန့် တပ်မှ ပျောက်ကာ အခြားမြို့တွင် အလုပ်သွားလုပ်နေသော အုပ်မှူး တစ်ဦး၏ လူယုံစစ်သည်မှာ ဘာမှ မဖြစ်သော်လည်း၊ မဟုတ်မခံ ပြောတတ်သော တပ်ကြပ် တစ်ဦးမှာ ကင်းမှူး တာဝန်ကျစဉ် တပ်တွင်း ဈေးတန်းသို့ နာရီဝက်ခန့် ကွမ်းယာ သွားဝယ်ရာ ၄င်းကို ကြည့်မရသော တာဝန်မှူးကြီးက ပျက်ကွက် တင်လိုက်ပြီး စစ်သည်ကို ထောင်ချ ထုတ်ပစ်လိုက်သော ဖြစ်စဉ်များလည်း ရှိပါသည်။
နောက်တစ်ချက်မှာ အဆင့်တိုးမြှင့်ရေး၊ ပြောင်းရွှေ့ရေး ကိစ္စများ ဖြစ်ပါသည်။ သတ်မှတ်ချက်များ၊ မူဝါဒများ မည်သို့ပင် ရှိစေကာမူ နောက်ဆုံးအဆင့်တွင် ကာယကံရှင် စစ်သည်၏ ဆန္ဒနှင့် ကွဲလွဲသော
ဖြစ်စဉ်များ ဖြစ်သွားလေ့ ရှိပါသည်။ ဆိုလိုသည်မှာ စစ်သည်က ပြောင်းရွှေ့ခွင့် တောင်းခံ ထားသည့်တိုင် ကက (လေ) သို့ စခန်းမှပို့သည့် စာရင်းတွင်ပင် အမည်မပါသွားခြင်းမျိုး ဖြစ်ပါသည်။
လက်ရှိ တပ်မတော် (လေ) တွင် ရှေ့မှီ နောက်မှီ အရာခံ ဗိုလ်ကြီးများ နည်းပါးလာနေပြီး နည်းပညာ ဒီပလိုမာဆင်း အကြပ်ကြီးများ၏ ခေတ်ဖြစ်လာနေရာ လေတပ်ထဲသို့ တပ်သားဘ၀ဖြင့် ၀င်ရောက်ကာ အဆင့်ဆင့် တက်လာသော အကြပ်ငယ်များနှင့် ဒီပလိုမာ အကြပ်ကြီးများအကြား ပြဿနာ မကြာခဏ တက်လေ့ ရှိပါသည်။ အတွေ့အကြုံ သာသော်လည်း အဆင့် ကွာခြားမှု၊ အနာဂတ် အနေအထားများကြောင့် စစ်သည်များ အတော်ကသိကအောင့် ဖြစ်ရသော ဆက်ဆံရေးဖြစ်ပါသည်။
အရာရှိများ အကြားတွင်လည်း စက်မှုလက်မှု လုပ်ငန်း အသီးသီးမှ ၀ါရင့်အရာရှိများမှာ ဗိုလ်ကြီးအဆင့်ဖြင့် နိဂုံးချုပ်နေပြီး၊ DSTA ဆင်း အရာရှိငယ်များမှ သိသလိုဖြင့် မသိသော အုပ်ချုပ်မှု၊
ပြင်ဆင် ဆောင်ရွက်မှုတို့ လုပ်လာသောအခါ အချောင်ထောင်ကျ မခံနိုင်သော NCO IC (ပြန်တမ်းဝင် အရာရှိ မဟုတ်သော အရာခံများ) များဖြစ်သော ကျွန်တော်တို့ အဆင့်များသည် ပိုမို ပင်ပန်း ကြရ ပါတော့သည်။ ထို့အတူ များပြားလှသော လေသူရဲ ဗိုလ်မှူး အုပ်စုကြီး (DSA41+42) ၏ အမျိုးမျိုးသော သူတလူ ငါတမင်း အမိန့်များအကြားဝယ် ဟိုသည်ပြေးလွှား ဗျာများ ကြရ ပါသေးသည်။ လက်ညှိုးထိုး မလွဲဗိုလ်မှူးများ ပေါများလှသော လေတပ်ကြီးအဖြစ် ထူးဆန်းစွာ တွေ့မြင် နေရသော ကာလလည်း ဖြစ်ပါသည်။
တပ်မတော်တွင် မူဝါဒအရဖြစ်စေ၊ ခေတ်အခြေ အနေအရဖြစ်စေ အခါအားလျော်စွာ
အမိန့်နှင့် ညွှန်ကြားချက်များ ထုတ်ပြန်လေ့ ရှိပါသည်။ သို့သော်လည်း အချို့မှာ လက်ရှိ ပြည်ထောင်စု သမ္မတ မြန်မာ နိုင်ငံခေတ်နှင့် မဆီလျော်တော့သော အချက်အလက်များစွာ ရှိနေပြီ ဖြစ်ပါသည်။ အမိန့်နှင့် အုပ်ချုပ်ရသည်မှာ မှန်သော်လည်း၊ သာမန် ပြည်သူတို့ထက် မနိမ့်သော အခွင့်အရေးများ ရရှိခံစား စေသင့်သည်ဟု ထင်ပါသည်။
သာမန်ပြည်သူများသည် မတရားမှု၊ အဆင်မပြေမှု၊ မကျေနပ်မှုများအား သက်ဆိုင်ရာ
လွှတ်တော် ကိုယ်စားလှယ်နှင့် အမျိုးသား လူ့အခွင့်အရေး ကော်မရှင်သို့ တိုင်ကြား နိုင်သည်ဟု ဆိုပါသည်။ ထိုသို့ဆိုလျှင် မိမိတို့ တပ်မတော်သားများ၏ အထက်ပါ အဆင်မပြေမှု၊ လွဲမှားနေမှု၊ မတရားမှုများအား မည်သို့ တင်ပြ ဖြေရှင်း ရပါမည်နည်း။ ပြည်သူ့ လွှတ်တော် ကော်မတီများတွင် တပ်မတော်အတွင်းမှ ခေတ်စနစ်နှင့် မညီသော အမိန့်၊ ညွှန်ကြားချက်၊ မူဝါဒ၊ ဥပဒေများအပေါ် သုံးသပ် ကြားနာ စိစစ်ရန် ကော်မတီ တစ်ရပ် ထပ်ဖြည့် ပါမည်လား။ မှားနေသည်ကတော့ အသေအချာ ဖြစ်ပါသည်။
တပ်မတော် ကာကွယ်ရေး ဦးစီးချုပ်သည် သိနေ ကြားနေ ပါလျက်နှင့် မကြား မသိယောင် ပြုနေသည်ဟု ဆိုရပါမည်။ ကာကွယ်ရေး ဦးစီးချုပ် (လေ) သည်ပင် လေတပ်သားတို့ ရင်ဖွင့်သံများ အပေါ် ရေငုံ နှုတ်ပိတ်ကာ ၄င်းဗိုလ်ချုပ်ကြီးအဆင့် တည်မြဲရေးအတွက် အချို့သော အရာရှိ ကြီးငယ်များအား ထိုးကြွေး စတေးခဲ့ဖူးသော သာဓကများ ရှိသည်ဟု ဆိုရာ၊ သာမန် စစ်သည်တို့အရေးမှာမူ ဆိုဖွယ် မရှိတော့ပါ။ မည်သို့ပင ဖြစ်စေ လေတပ်သား အရာရှိရော စစ်သည်များသည် ဖွဲ့စည်းပုံ အခြေခံ ဥပဒေနှင့်အညီ ရပိုင်ခွင့်များအတွက်၊ မတရားမှုကို ငြိမ်ခံနေမည့်သူများ မဟုတ်ကြောင်း စည်လုံးခြင်းရဲ့ အင်အား စာမျက်နှာများထက်မှ အားဖြည့် တင်ဆက် လိုက်ရပါသည်။
