KATSU DABAK YANG MARE NI HKAN HPYEN N GUN JAT

August (2) ya shani Wunpawng Mungdan Shanglawt Asuya hte simsa lam jahta na matu du sa wa ai myen dat kasa ni a shim lam hku hkan sa ai Myitkyina kaw dung ai Hka La Ya (58) dap na hpyen la ni gaw Myitkyina de bai n htang wa mat ai lam n nga ai sha Katsu hte Dabak Yang mare hkan na dum n ta ni hte hpung htingnu hkan dap jung shanu nga mat ai lam buga masha ni kawn shiga shana wa ai. Katsu mare hta ngam nga ta ai myen hpyen n gun (30) ram nga ai lam hte hpyen la ni gaw Katsu mare na hpung n ta ni hkan hkan hpyi ai lam n nga ai sha chying hka ni hpe zaw ni a dup hpaw nna shang shanu nga ai re lam mung matut tsun wa ai.Ndai zawn re ai akyang gaw moi kaw na lang wa ai Myen hpyen ni a laban dik ai akyang re. Hpa mi nga tim ya myen ni sim sa lam jahta ai she nga tim shing du de gaw shan hte ni masing kaba nga ai ngu ai hpe K.I.O/ K.I.A ni hte Wunpawng myu sha ni tsep kawp nmai malap na re. Tinang Mung Dan tinang lu la hkra la na ngu ai masing hte majan gasat mat wa yang gaw shawng lam de majan gasat taw ai Myu tsaw mung tsaw share shagan ni mung grau na n-gun lu na re ngu kam ai. Ya aten hta nan anhte Wunpawng Mung Dan hpe gaw de la ra sai. Myen hpe gaw tsep kawp kam na matu nmai myit sai.