2013-2014 Nawng Nang Chyum Jawng (K.T.C)

2013-2014 Nawng Nang Chyum Jawng (K.T.C)

21 May, 2013 (Tue)
M.Naw Shan (Wunpawng)

Kachin sate Myitkyina nawng nang chyum jawng hta 2013-2014 jawng lung shaning na matu 26 May, 2013 (sun) hta jawng ma yawng du zup nna 27-29 du hkra jawng mying hta la let, lai ka sharin hpang wa sana lam chye lu ai. Maning 2012-2013 jawng lung shaning hta jawng ma yawng 700 daram sharin hkam la lu ai kaw nna 214 tup gaw jawng ngut, chyum jan mau gup la lu sai lam chye lu ai. 

(63) LANG NA K.T.C CHYUM HKAWLIK JAWNG YU POI

Dai ning na jawng lung shaning hta mung yawm htum jawng ma 700 jan rai na re lam matut chye lu ai. Myitkyina Nawng Nang chyum jawng (K.T.C) hta e L.Th (Literal of Theology), B.Th (Bachelor of Theology), M.Div (Master of Divinity), B.Min (Bachelor of Ministry),M.Min (Master of Ministry), M.Th (Master of Theology, garai nhpaw shi ai lam chye lu ai. M.Th hpe gaw M.Div ngut ai hpang sharin hkam la mai ai lam chye lu ai.)  madang ni hpe sharin jahpat nga ai re lam chye lu ai.

B.Min gaw L.Th ngut  nna manga (5) ning magam gun ngut ai hpang she mai lung ai hku re.

M.Min gaw B.Th ngut nna manga (5) ning magam gun ngut ai hpang she mai matut lung ai hku re.

Nawng Nang Chyum Jawng Wang (K.T.C)

 2013-2014 jawng lung shabrai gaw yawm dik 418000 Ks (Sen mali mun mi hkying matsat) rai na lam chye lu ai. Ndai 418000 Ks hta gaw laning mi tup na lu sha manu, wan, hka manu yawng lawm sai lam chye lu ai. K.T.C nawng nang chyum jawng hpe lit la let, jawng up hku na gaw Rev. Dr. Nalaw Dai Hkawng rai nna sharin sara/num yawng 50 jan ap nawng sharing jahpat nga ai  lam chye lu ai.