တရုတ်မီလျံနာများ အမေရိကကို ပြောင်းရွှေ့ဖို့ကြိုးစား

 Wednesday, November 16, 2011

တရုတ်ပြည်မှာ သန်းကြွယ်သူဌေး မြောက်များစွာကို မကြုံဖူးအောင် ထုတ်လုပ်နေပေမဲ့၊ ၄င်းသူကြွယ်တွေက သူတို့ကို ချမ်းသာအောင် လုပ်ပေးတဲ့ တိုင်းပြည်ကနေ ထွက်ခွာဖို့ ပြင်ဆင်နေကြသည်။

 မကြာခင်ကပြုလုပ်တဲ့ တရုတ်ဘဏ်ရဲ့ စစ်တမ်းနဲ့ Hurun Report ဖော်ပြချက်အရ၊ တရုတ်ပြည်မှ မီလျံနာ ၉၈၀ ဦး (ဒေါ်လာ ၁.၆ သန်း အထက် ချမ်းသာသူများ) မှာ နိုင်ငံရပ်ခြားကို ပြောင်းရွှေ့ဖို့ ကြိုးစားနေသည်ဟု ဆိုသည်။ ၄င်းတို့ထဲမှ ၁၅ ရာခိုင်နှုန်းက နိုင်ငံသစ်တွေမှာ အခြေချဖို့ အားလုံး စီစဉ်ဆောင်ရွက်ပြီး ဖြစ်ပြီး၊ အများစုက အမေရိကန်ပြည်ထောင်စုကို ဦးစားပေး ရွေးချယ် ကြသည်။ အချို့က ကနေဒါနှင့် စင်္ကာပူကို ရွေးချယ် ကြသည်။

တရုတ် အပတ်စဉ်ထုတ် စာစောင် the Economic Obsever က စင်ဝှာတက္ကသိုလ်မှ ပညာရှင် Cai Jiming ကို မေးမြန်း ကြည့်ရာ၊ တရုတ်မီလျံနာတွေ နိုင်ငံ ရွှေ့ပြောင်းလိုတဲ့ အဓိက အချက်နှစ်ချက်မှာ 'သားသမီးတွေရဲ့ ပညာရေး အတွက်နှင့် ပုဂ္ဂလိက ပိုင်ဆိုင်ခွင့်ကို စိုးရိမ်သောကြောင့်' ဖြစ်သည်ဟု ဆိုသည်။ အခြား အသေးအဖွဲ အကြောင်းပြချက် များကတော့ သဘာဝ ပတ်ဝန်းကျင် ညစ်ညမ်းမှုနဲ့ ကျန်းမာရေး စောင့်ရှောက်မှု ညံဖျင်းမှု တို့ကြောင့်ဟု သုံးသပ်သည်။

Cai Jiming ရဲ့ ပြောဆိုချက် အရ ချမ်းသာတဲ့ တရုတ် မိဘတိုင်းက သူတို့ ကလေးတွေကို အနောက်နိုင်ငံတွေက မူလတန်းကျောင်းတွေမှာ ထားချင်ကြသည်။ နောက် တက္ကသိုလ်ကောလိပ် အတွေ့အကြုံ ရရှိစေချင်သည်။ "အဲဒီ နှစ်ချက် လုံးကိုကြည့်ရင် ကျနော်တို့ ပညာရေး ဘာဖြစ်နေလဲ ဆိုတာ လေးလေး နက်နက် ပြန်စဉ်းစားဖို့ လို့ရပါတယ်" ဟု ပြောခဲ့သည်။

နောက် တရုတ်မှာ ပုဂ္ဂလိကပိုင်ဆိုင်ခွင့် (property rights) အသေချာ မရှိသေးကြောင်း၊ တရုတ်အစိုးရက တစ်ဦးချင်းရဲ့ ပိုင်ဆိုင်မှုနဲ့ ဓနကို မသိမ်းပါဘူးလို့ အာမခံထားပေမဲ့၊ မီလျံနာလက်သစ်တွေက အမြဲ စိုးရိမ်နေကြောင်း ပြောဆိုသည်။

"လက်တွေ့အားဖြင့် ပုဂ္ဂလိက ပိုင်ဆိုင်ခွင့်ကို အကာအကွယ်ပေးမှု အားနည်းပါတယ်။ ပြီးခဲ့တဲ့နှစ်တွေကို ကြည့်ရင် ကော်ပိုရေးရှင်းတွေက အစိုးရနဲ့ပေါင်းပြီး မြေတွေ လယ်တွေ သိမ်း၊ လူနေအိမ်တွေကို မတရား ဖြိုချ ခဲ့တာတွေ မြင်ကြရတယ်။
 

ဒါတွေက ဥပဒေကို မလေးစားရာ ပြနေတယ်။ နိုင်ငံသားတွေရဲ့ ပုဂ္ဂလိက ပိုင်ဆိုင်ခွင့်ကို အာမခံချက် မပေးနိုင်သေး တာပဲ။ ဒီတော့ ချမ်းသာတဲ့ လူဆိုတာလည်း အစိုးရနဲ့ အဆင်မပြေတဲ့ တစ်နေ့ သူ့ပိုင်ဆိုင် တာတွေ အသိမ်းခံရနိုင်တယ်လေ"

ယခုနှစ်မှာ တရုတ်သူဌေး ၉၃၀ ဦးက ရွှေ့ပြောင်း နေထိုင်ခွင့် ဗီဇာရဖို့ အမေရိကန် သံရုံးကို လျှောက်ထားခဲ့သည်။ ၄င်းတို့မှာ အမေရိကန် လုပ်ငန်းများတွင် တစ်ဦးကို အနည်းဆုံး ဒေါ်လာ ၅၀၀,၀၀၀ ရင်းနှီးမြှုပ်နှံ ထားသည်ဟု အမေရိကန် လူဝင်မှုကြီးကြပ်ရေး ဌာန Wealth Report က ဖော်ပြခဲ့သည်။

ဝင့်ထန်း

ဇော်ရှန် (wunpawng)