ပြည်သူလူထုရဲ့ စည်းစိမ်များကို စစ်အစိုးရ စစ်တပ် အသုံးပြုနေ

Tuesday, October 25, 2011

ကချင် လွတ်မြောက်ရေး တပ်မတော် K.I.A နှင့် စစ်အစိုးရ စစ်တပ်တို့ အကြား တိုက်ပွဲဖြစ်ပွား နေမှုကြောင့် စစ်အစိုးရ စစ်တပ်တို့မှ ပြည်သူလူထုပိုင် ပစ္စည်းများကို တရားဝင် သိမ်းပိုက် အသုံးပြုလာ နေပြီဖြစ်ကြောင်း မြင်တွေ့နေရပါတယ်။

အောက်တိုဘာလ ၂၅ ရက်နေ့ မနက်ပိုင်းတွင် ဗန်းမော်မှ လူမပါတဲ့ စစ်အစိုးရ စစ်တပ်ရဲ့ ကားကြီး (၁၀) စီးဟာ အင်မောက် ခဝန်ဘန် သို့ ချီတက်သွားပြီး ပြည်သူ လူထုတွေရဲ့ အိမ်များကို ရိုက်ဖွင့် ဖောက်ခွဲဝင်ကာ ပြည်သူပိုင် ပစ္စည်းများ၊ ကြက်၊ ဝက်၊ စတဲ့ အိမ်မွေး တရိစ္ဆာန်များနှင့် ကျွဲ၊ နွားများကို ကားပေါ်တွင် လာရောက် တင်ယူ သွားကြောင်း မျက်မြင်များမှ သတင်းပေးပို့ လာပါတယ်။

ဒီလုပ်ရပ်တွေဟာ စစ်အစိုးရ စစ်တပ်ရဲ့ ရှေ့တန်း ဗျူဟာမှူးများကိုယ်တိုင် တရားဝန် ခွင့်ပြုထားကြောင်း၊ ဒီလိုခွင့်ပြုရခြင်းမှာ စစ်အစိုးရ စစ်သားများမှာ စစ်တိုက်ချင်စိတ် ပျက်ပြားလာသဖြင့် စစ်ပြန် လည်တိုက်ချင်လာအောင် အခွင့်ပေး ဖြားယောင်းနေခြင်း ဖြစ်တယ်လို့ စုံစမ်း သိရှိရပါတယ်။ ဒီလို စစ်အစိုးရ စစ်တပ်ရဲ့ မတရား ပြုမူနေမှု တွေကြောင့် ခံနေရတဲ့ ပြည်သူလူထုများမှာ မပြောပြတတ်လောက်အောင် စစ်ဆင်းရဲ ခံစားနေရကြောင်း သိရှိရပါတယ်။