ကွန်ပျူတာ ဆက်တိုက် အသုံးပြု နေသူများ မျက်စိကို ဘယ်လို ကာကွယ် ထိန်းသိမ်း မလဲ

Saturday, September 24, 2011

ကျနော့်ဆိုဒ်မှာ လာလည်တဲ့ သူငယ်ချင်း မိတ်ဆွေများ နဲနဲလေးဘဲ ဖြစ်ဖြစ် အကြိုးရှိပါစေလို့ www.yoolay.com မှာ သားဗိုလ် ရေးတင် ထားတဲ့ ဒီပို့စ်နှင့် ကျနော် (၂) ခု ပြန်ပေါင်းထည့်ပြီး   တင်လိုက်တာပါ။ ကျေးဇူးတင်ပါတယ်။

ကွန်ပျူတာ ကို တစ်နေကုန် ကြည့်တဲ့ သူတွေ မျက်စိ အတွက် ဘယ်လို လေ့ကျင့်ခန်း လုပ်သင့်တဲ့ အချက်တွေကို တင်ပြ လိုက်ပါ တယ်။

နေရာမှန်ပါစေ

သင့်ရဲ့ကွန်ပျူတာ ကီးဘုတ်၊ မောက်စ် တို့ကို နေရာမှန်ထားတတ် ဖို့ အရေးကြီးပါတယ်။ သင့်ရဲ့ကွန် ပျူတာ Screen ဟာသင့်မျက်လုံး ကနေ သင့်ရဲ့လက်တစ်လှမ်းစာ အကွာနဲ့ မျက်လုံးရဲ့ (၂၀) ဒီဂရီ အောက်နိမ့် နေရ ပါမယ်။

အလင်းရောင်

သင့်အခန်း တွင်း အလင်းရောင် ပျံ့နှံ့ပါစေ။ ဒါမှကွန်ပျူတာ Screen မှလာသော Reflection တွေကို လျော့ချ နိုင်မှာဖြစ် ပါတယ်။ ကွန် ပျူတာ Screen အား သင့်မျက်စိနှင့် သင့်တော်ရာ အလင်း၊ အမှောင် Setting လုပ်ထားပါ။ Anti-Reflective Lenses ပါသောမျက်မှန်ကို တပ် ပေးခြင်းဖြင့် တောက်ပသော အရာမှ လာသော Reflection တွေ ကို ကာ ကွယ်နိုင်ပါတယ်။ သင့်ရဲ့ မျက်စိ ဆရာဝန်က သင့်အား ကွန်ပျူ တာ နှင့် ထိတွေ့နေ သူမှန်းသိရင် ထို Anti-Reflective Lenses ထည့် ထားတဲ့ မျက်မှန်ကို ညွှန်းပါ လိမ့်မယ်။

ကွန်ပျူတာ နှင့်အလုပ်လုပ်သူ များ မိနစ်(၂၀) လောက်ကြာတိုင်း ခေါင်းကို ခဏဘေးကို လှည့်ပြီး ပေ (၂၀) လောက်ဝေးတဲ့ အရာ တစ်ခုခုကို ကြည့်ကြည့်ပေးပါ။ ဒီနည်းလမ်းဟာ သင့်ရဲ့ပင်ပန်းနေတဲ့ မျက်လုံး ကို သက်သာ ရာရ စေပါတယ်။ နောက် ပြီး အခါ(၂၀)လောက် မျက်စိအား ပိတ်လိုက် ဖွင့်လိုက်လုပ်ခြင်းဖြင့် မျက်လုံး စိုစွတ်ခြင်းကို ရယူပါ။ ပြီးရင် ခဏထိုင်ခုံမှထပြီး ခြေလှမ်း (၂၀) လောက် လမ်းလျှောက် ခြင်း ဖြင့် သွေးလည် ပတ်ပါစေ။ မျက်စဉ်းခတ် ပေးပါ။ လူတစ်ယောက်ဟာ တစ်မိနစ် အတွင်း ပုံမှန် (၁၂) ခါမျက်တောင် ခတ်ကျပါတယ်။ ဒါပေမဲ့ ကွန်ပျူတာ နဲ့ အလုပ်လုပ် နေရင် ငါးခါလောက် သာ မျက်တောင် ခတ်တာကို သင် သတိထားမိပါသလား။ အကျိုးဆက် အနေဖြင့် မျက်စိအား ခြောက်ကပ် နေစေပါတယ်။ ထိုသို့ ခြောက်ကပ် မနေအောင် မျက်စဉ်းခတ် ပေးနိုင်ပါ တယ်။

လက်ဖဝါးအုပ်ခြင်း

ထိုင်ခုံပေါ်တွင် မတ်မတ်ထိုင် ပြီး သင့်ရဲ့လက်ဖဝါးနှစ်ခုအားနွေး လာသည်အထိ ပွတ်ပေးပါ။ ထိုနွေး နေသော လက်ဖဝါးနဲ့ သင့်မျက်စိ နှစ်ဖက်ကို တစ်မိနစ်လောက် ဖုံးအုပ် ပေးလိုက်ပါ။ သင့်မျက်စိညောင်း ကိုက်၊ ပင်ပန်းလာတိုင်း နှစ်ကြိမ်၊ သုံးကြိမ်လောက်လုပ်ပေးပါ။ ထို လက်ဖဝါးမှလာသော နွေးထွေးမှု သည်သင့်ရဲ့ ပင်ပန်းနေသော မျက်စိ အား သက်သာစေပါတယ်။

မျက်နှာသစ်ခြင်း

အားတဲ့အချိန်မှာ မျက်စိ မှိတ်ပြီး ရေအေးဖြင့် မျက်နှာသစ် ပေးပါ။ အင်မတန်လန်းဆန်းခြင်းကို ခံစားရပါလိမ့်မယ်။

လက်ဖက်ခြောက်အထုပ်

သောက်ပြီး သား လက်ဖက် ခြောက် အထုတ်ကလေး များကို လွှင့်မပစ်ဘဲ ရေခဲ သေတ္တာ ထဲထည့် ထားပြီး အားတဲ့ အချိန်ကျရင် ထို လက်ဖက်ခြောက် အထုပ်နှစ် ထုပ်အား သင့် မျက်စိ တစ်ဖက်စီ တွင် တင်ပြီး အနား ယူပါ။ မျက်စိအား အေးမြ စေပါသည်။ ဗီတာမင် အေ၊ စီ၊ အီးပါသော အစားအစာ များပိုစားပါ။

 သားဗိုလ်

မနက်တိုင်းမျက်စိလေ့ကျင့်ခန်းလုပ်ခြင်း

မနက်အစောကြီးထပြီး ကွန်ပျူတာ သုံးသူသာ မဟုတ်ဘဲ လူတိုင်းဟာ မျက်စိလေ့ကျင့်ခန်း လုပ်ပေးဖို့ အရေးကြီးပါတယ်။ မနက်အိပ်ရာထပြီးတာနဲ့ လေကောင်းလေသန့်ကို ရှိုရှိုက်ပြီး မျက်စိလေ့ကျင့်ခန်း လုပ်ပေးဖို့ လိုအပ်ပါတယ်။ ကိုယ့်ရဲ့ မျက်စိ အစုံကို ဟိုး.. အဝေးကို ကြည့်ပေးရပါမယ်၊ ပြီးတော့ ကိုယ့်ရဲ့ လက်နှစ်ဖက်ကို မျက်စိနှင့် တစ်ပေ လောက်အကွာမှာ လက်ဝါးဖြန့်ထားပြီး မျက်စိကို လွတ်လပ်တဲ့ ဟိုးအဝေးမှာ တစ်ခါကြည့်လိုက် ကိုယ့်ရဲ့ ဖြန့်ထားတဲ့ လက်ဝါးကို တစ်ခါကြည့်လိုက်နဲ့ မိနစ် ၁၀ လောက် နေ့တိုင်း လုပ်ပေးခြင်းအားဖြင့် ကိုယ်မျက်စိဟာ သူများနဲ့ မတူဘဲ ထူးခြားမှု ကိုခံစားရမှာ ဖြစ်ပါတယ်။ ဒီလို လုပ်ပေးခြင်းအားဖြင့် မျက်စိ ကြည်လင်ပြီး အသက်ကြီးလာရင်တောင် မျက်မှန် တပ်စရာ မလိုလောက်အောင်ကို အကြိုးပေးပါတယ်။

မျက်စိ ရေငုပ်ခြင်း

လူ့ကိုယ်ခန္ဓာမှာ ရှိတဲ့အရာအားလုံးဟာ သူ့ဟာနဲ့သူ အလွန်အရေးပါ တယ်ဆိုတာကို လူတိုင်းသိကြပါတယ်။ ဒီထဲမှာ ကျနော်ပြောခြင်တာက မျက်စိလည်းဖြစ်ပါတယ်။ လူတိုင်း ကိုယ်မျက်စိကြည်လင်ပြီး လန်းဆန်းဖို့ရန် ည အိပ်ရာ မဝင်ခင် နှင့် မနက် အိပ်ရာထပြီး ချိန်များတွင် ကိုယ်ရဲ့မျက်စိကို သန့်ရှင်းရေး လုပ်ပေးဖို့ လိုအပ်ပါတယ်။ သန့်ရှင်းရေးဆိုလို့ တခြားဟာတွေကို မတွေးနေနဲ့၊ ဘုရားသခင်ပေးထားတဲ့ အရာဘဲ အကောင်းဆုံးပါ... အဲ့ဒါက ကြည်လင်နေတဲ့ ရေ တစ်ခွက်ဘဲ ဖြစ်ပါတယ်။ သိပ်သေးမငယ်တဲ့ ရေ ဖလားထဲမှာ ကြည်လင် အေးမြနေတဲ့ ရေ ကို အပြည့်ဖြည့်လိုက်ပါ.. ပြီးတာနဲ့ ကိုယ်ရဲ့ မျက်နှာကို အဲ့ဒီရေခွက် ထဲမှာ စိမ် (ငုပ်) လိုက်ပါ... ရေထဲမျက်စိရောက်တာနဲ့ မျက်စိကို ရေထဲမှာ ဖွင့်လိုက် မှိတ်လိုက် လုပ်ပေးပါ။ အဲ့ဒီလိုမျိုး ကြည်လင်နေတဲ့ ရေနဲ့ ငါးကြိမ်လောက် နေ့ တိုင်း လုပ်ပေးခြင်းအားဖြင့် ကိုယ့်ရဲ့ မျက်စိထဲမှာ ဝင်ရောက်နေတဲ့ ဖုံမှုန့်တွေ ပိုးကောင်တွေ ကို ရှင်းလင်းထုတ်နိုင်ပါတယ်။ ဒါဟာ ဘာ မျက်စိဆေးမှ သုံးစရာမလိုသော မျက်စိ ကြည်လင်စေတဲ့ အကောင်းဆုံး သဘာဝ နည်းလမ်းတစ်ခုဖြစ်ပါတယ်။ ကျနော်က တော့ နေ့တိုင်း မနက်တိုင်း ဒီလိုလုပ်ဖြစ်အောင် လုပ်ပါတယ်။ ကျနော့်မျက်စိဟာ အမြဲတမ်း ကြည်လင်နေတယ်လို့လည်း ကျနော် ခံစားရပါတယ်။ ဒါဟာလည်းဘဲ ဘုရားသခင်ရဲ့ ကောင်းချီးထဲက တစ်ခု ဖြစ်ပါတယ်။ ဖတ်ရှုကြတဲ့ သူ အားလုံးကို ကျေးဇူးတင်ပါတယ်။

နောက်များ ဖြစ်နိုင်ရင်လည်း ကျနော်ဆက်လက် ရေးသွားမှာ ပါ... အားလုံးလည်း အကြံပေး နိုင်ပါတယ်...

W.P Moses