WANLENG LAM MAYAN SHANA N MAI PRU

N dai laman Jinghpaw Mung Wanleng lam mayan na mare kahtawng ni hta Myen hpyen ni kawn shana n mai pru na lam ni n dau wa sai hpe chye lu ai. Mohnyin, Mohgaung, Hopin hte Hpakant ginwang ni hta n dai zawn galaw ai re lam, bai mare buga masha ni hpe mung Porter lahkawn ai lam ni nga ai lam na chye lu ai. Hupin kaw dung ai Hka la Ya (40), (389), (388) ni kawn shana n mai pru na lam matsun wa sai nga buga masha ni kawn chye lu ai. Hpakant Ginwang maga de gaw myen ni porter grai lahkawn taw ai majaw buga masha ni grai hkrit tsang nga ma ai lam buga de na shana wa ai. 

Ndai zawn byin wa , galaw wa ai gaw Mung masha ni hpe grai ding bai ding na jaw ai lam rai nga ai. Ya K.I.A hte gap hkat nga ai re majaw myen sa wa ni gaw ndai zawn shan hte dang di ai maga de na mung shawa ni hpe zing ri wa ai lam rai nga ai. Tsaw ra hkung ga dik ai W.P myu sha ni e... myit galu galang hte hkam sharang nga ga... Kade nna ai aten hta jet ai W.P Mungdan hpe anhte nan gaw de sa wa ga. Wunpawng myu sha ni yawng myit hkrum ta gin dun nga ga. Myen sa wa ni a sum prat bang ai hpe nang ngai yawng sadi maja let gawt shale kau ga. Myen sa wa ni hpe gaw tsep kawp nmai kam ai. Anhte Mung masha ni kade jam jau hkam sharang nga ai ngu ai hpe K.I.O/ K.I.A ning baw ning la ni hte myu tsaw share shagan ni yawng gaw chye na nga na re hpe anhte tsep kawp kam ai.

W.P Moses