SIMSA KASA JOUNAL

Saturday, September 03, 2011

 Simsa Kasa Journal Vol. 1 issue 2 ကို ဒီေနရာ တြင္ႏွိပ္၍ ျပန္လည္ေလ့လာ ဖတ္ရႈႏိုင္ပါသည္..

LIDO LAM DE GAP

Mani September (1) ya jahpawt hkying (7) ram hta Dainai Lido lam, Hkum Tsai yang mare hte Dum Bang Mare lahpran kaw Wunpawng Mungdan Shanglawt Asuya a Myu Tsaw hpyen hpung ni hte myen tai hpyen ni gap gasat lai wa sai lam na chye lu ai. N dai zawn gap gasat ai hta myen de na marai (6) si nna, marai (3) hkala ai lam, hkala ai myen hpyen la ni hpe Myitkyina tsi rung de htaw sa da sai lam shiga na chye lu ai.

MUSE MANDALAY LAM NTSA MAHTU NAW A HPYEN HPUNG NI HPE SHARA JAHKRAT

Myen Asuya gaw Miwa ni jaw ai hpyen mawdaw hpe Muse kaw na myen mung de gawt la ai lam hta shim lam la na matu Mahtu Naw (K.D.A) a myen n pu na mung shawa hpyen hpung Pidutsit (80) ram hpe Muse Mandalay lam hta lit jaw shara jahkrat da sai lam buga masha ni kawn na chye lu ai. Ndai zawn re ai lam ni hpe an hte Wunpawng myu sha shada grai myit yu ra nga ai.

GAN DAU YANG KAW MUNG SHAWA HPYEN HPUNG NI GAP

September praw (1) dai hpawt daw hkying 9 hte 10 lapran Myitkyina Manmaw lam ntsa Gang Dau Yang Mare hta Wunpawng Mungdan Shanglawt Asuya a Mung Shawa hpyen hpung ni hte myen tai hpyen ni gap gasat ai lam byin wa sai lam shiga na chye lu ai, kata lam shiga hpe gaw matut sagawn nga ai.

UNFC ညီညြတ္ေသာတိုင္းရင္းသား လူမ်ဳိးမ်ား ဖက္ဒရယ္ေကာင္စီ

MAN MAW - LOI JE LAM N MAI LAI SAI

August (25) ya shani kaw na Man Maw Loi Je lapran Cycle hte rai htaw ginlen sha ai cycle carry ni hpe myen hpyen ni kawn jahkring kau sai lam hpe na chye lu ai. Man Maw kaw na lung wa ai cycle carry ni hpe Kyauk Sahkan kaw jahkring nna gun rai ni yawng hpe mung dai kaw zing la kau ai lam, Loi Je de na yu wa ai ni hpe gaw ya ten a hkang naw jaw nga ai rai tim gade n na yang gaw Loi Je de na wa ai ni hpe mung pat hkum wa na re lam hpe na chye lu ai.

HPYEN YEN MASHA NI MANMAW DE RU SHANG WA

Wunpawng Mungdan Shanglawt Asuya hte myen tai hpyen ni majan kaba bai baw wa na hpe hkrit tsang ai majaw Manje ginwang de na mare masha ni Manmaw mare de hprawng shang wa sai lam shiga na chye lu ai. Myen ni a hpyen n gun bai jat wa ai majaw KIA kawn August (24) ya shana de Man Tar mare makau na hpri  mahkrai hpe kapaw kau wa sai lam hpe mung na chye lu ai. Ya na masa hku rai jang gaw K.I.A hte myen sa wa tai hpyen ni gaw majan kaba maga de rai wa na zawn rai wa sai lam hpyen masa yu ai ni gaw tsun nga ma ai.

Myit Sung Dam

NAM HPAK KA KAW MUNG GASAT

August (24) ya shani hkying (2:00) pm ten, Wunpawng Mungdan Shanglawt Asuya a Dap Dung (9) ginra rai nga ai Nam Hpak Ka mare lahta Muse – Mandalay maw daw lam ntsa e, myen Hk.L.Y (241) dap hte gasat poi byin lai wa sai lam shi na chye lu ai. N dai zawn gasat ai hta myen hpyen la marai (2) si nna, marai mali hkala ai lam , myen tai hpyen ni a sinat lau (2) hpe mung zing madu la lu sai lam shiga na chye lu ai.

HKRAI HTANG KADAWNG KAW GASAT

August (24) ya mani hpawt (8:30) am ten, Wunpawng Mungdan Shanglawt Asuya a, Dap Dung (15) ginra Hkrai Htang Kadawng e, Tai dap Hk.L.Y (141) dap ni hte gasat poi byin lai wa sai lam shiga na chye lu ai. N dai zawn gasat lai wa ai hta KIA Hpyenla marai (3) gaw, Myen hpyen la marai (13) hpe gasat shamyit kau lu sai lam shiga mung na chye lu ai.

MUNG NYENG PA HTA GAP

August (24) mani jahpawt hkying (7) ram hta Wunpawng Mungdan Shanglawt Asuya a up hkang ginra rai nga ai Mung Nyeng maga de myen a (141) hpyen hpung ni htu lung wa ai majaw KIA Dung (5) ni htim gap lai wa sai lam na chye lu ai. Kata lam shiga hpe gaw hkrak rai n chye lu ai.