Yup Tung Ning Hkaw Jan

5 Sep, 2012 (Wed)

Yup Tung Ning Hkaw Jan

- Karai chye ju lak san hte sha,
  Pra hkrat wa ai Wunpawng sha;
- Ning sin kata e nga pra,
  Aten shaning law la hkra;
- Yup tung ning hkaw Jan htoi tu,
  Wunpawng sha ni kung hpan lu;
- Hkawm sa hkrun lam yak hkak tim,
  Yaw shada pan dung du hkra zin lum;
- Lam shut Baw ni hpe shadum,
  Wunpawng Ram ma yawng myit hkrum;
- Du na shawng lam hpe sum ru,
  Ngang grin ra sai daw dan lam lu;
- Ap nawng mat sai asak matu,
  Na kraw salum na hkum malap nu;
- June praw 9 du shagu,
  Teng man lam hpe shangang ru;
- Rap ra tara hpe shachyaw,
  Sak hkrung Karai hpe aw law gaw;
- Shing du hkum gayin mat lu,
  Wunpawng sha ni a Yup Tung Ning Hkaw Jan e..

W.P Moses

5 Sep, 2012 (Wed)

10 What..?

11 June, 2012 (Mon)
W.P Moses

10 What..?

What is Freedom..?

What is Human Rights..?

What is Children Rights..?

What is Woman Rights..?

What is Opportunity..?

What is Justice..?

What is Politics..?

What is Authority..?

What is Love and Kindness..?

What is Peace..?

Ga Shagawp - ကဗ်ာမ်ား...

Saturday, January 7, 2012

W.P Majoi

SHANG LAWT HPYEN LA

Katsi kahtet nhkrit,
Sut gan ja gum hpraw n myit;
Mungdan lu na sharawng,
Asak du, baw ap nawng,
Ningsin ninghtoi n lata;
Magam lam hta kangka;
Mung shawa yawng hpe tsaw ra,
Myu ru sai , makam masham n-ging hka,
Ginjaw a masing hkan nang,
Tsawm htap ai myit mang;
Magam hpyen la sat lawat,
Up hkang, woi awn ai hpe madat,
Lata galoi n sharawt,
Tai hpyen wa hpe adawt,
Myu tsawm brang wa,
Shang lawt hpyen la.

HPYEN MADUNG

Mungdan kata de tawt,
Jarit wang hpe shing kawt;
Shang kabye dip up, je hpre sai chyup,
Mung shawa ni hpe dip,
Amyu sha ni hpe rip,
Myen mung maden,
Koluni lai len

Gasat kau ra ai hpyen.

 

KA-NI HPYEN

Mayu kasha gaw nrai,
Kaw chyang hkawn hpe sum tsaw shatai;
Chyurum shayi mung nrai,
Myu shamyit laknak kaba she rai.
Kaw chyang hkawn dai Brang Lawn hpe shachyen,
Sumri galu hte ahkyen;
Agawng hkumgu machyi ai nga,
Kaw chyang hkawn kaw sa.

Kaw chyang hkawn hpe sama ma,
Dum nta sutgan yawng kata;
Shi hte nhkrum yang gari,
Hkum ting mung agrawp machyi,
Ja gumhpraw nlu magang,
Kaw chyang hkawn zing-ri shatsang;
Jam jau lam lak lai ai,
Shi hte hka mung nmai sai.
Kaw chyang hkawn chyup ai ana wa,
Hkum sai kata hpyi hte nra,
Zet let ai baw nu jahkyet,
Sin wawp ana mung makret.
Matsan sumri lashoi shoi,
Katsan ga de ahkyit woi;
Kaw chyang hkawn hpe lawan jahka,
Htawng chying hka hpe lawan la saga law.

Jing hpaw lai ka, tsang mali, ga shagawp. K.I.O ginjaw hpaji dap.

HKYE LA RA W.P SHA

 Monday, December 12, 2011

   WP buga shara shagu, hkrit hpa hpe chyu mu,
Myen hte shanglawt gap hkat ai nga, myen ni grai si nga.
   Shang lawt ni hpe KARAI hte mung shawa grai garum ai nga
pala hkra tim n sawng nga.

 

  Myen ni majan sum ding yang,
mung shawa ni a n ta nat shatsang.
   N hkru ai myen ni mara kata hpe majoi sat,
shang lawt ni gaw myen ni hpe hkan sat.
  Tsaw ra dik ai kasha shing tai,
majan pa hta hkrat sum mat sai.
   23 ning re ding hku la wa,
19 ning madu jan KANU hte shata 4 ma hpe kau da ra.
   Kanu ding gai hte madu jan sha nga,
Kawa ding la wa hpe mung myen ni sat kau ya nga.
  19 ning madu jan mung jahkrai kasha rai nga,
shata 4 ma mung gai da kasha tai mat ra nga.
   BAI sum lut roi nga ai shayi sha,
myen ni e roi rip sat kau ya.
   Shata 5 re ai ma a kanu rai nga,
KANU KAWA ni hkrap mi prwi hte sha nga.
   Shata 2 shat  jaw sha, MU bum e sharawng tawn nga.
Bu hpun pawng n jahpun ai nga, roi rip ngut ai hpang gap sat kau nga.

 SIN LUM na hpung tau wa, rai malap ai nga n ta wa,
myen ni e hkap rim la, hpang jahtum sat kau nga.
  Hpung tau wa ma 7 a kawa rai nga,
madu jan ma 7 hte gai da da ra.

  Maigan na manang ni yawng wa,
myen ni hpe jawm gap ga.
  Yawng myit hkrum yang awng dang na,
wp mung dan lu hkra gasat ga.
   Matsan mayen re ai myu sha
yawng garum ga.


                      KA AI....SUNSHINE.LAHPAI (mjy)

W.P Moses (ခခူးလ wunpawng)  

ခြင့္လႊတ္ပါ သခင္

Tuesday, November 15, 2011